يمه يفز القلب لامن زهمتي-نغمة جوال رائعه

يمه تراك بوسط قلبي سكنتي=متمكنه وسط الحشا داخل الجوف
أنتي أعز الناس يايوه وانتي=ماظن نلقالك مع الناس موصوف
الجود عنوانك وبالعطف زنتي =والكل يشهد لك بطيب ومعروف
أفرح الى شفتك مع النور بنتي =صوتك يناديني معه هزة كفوف
قم ياجنيني قم والا انت نمتِ=قم للصلاة اسرع قبل وقتها يطوف
ياما من هموم الليالي كتمتي=أسرارنا عن كل حاسد وملقوف
وياما لحزني بالليالي حزنتي=سهرانة بالليل والدمع مذروف
وياما وياماباخر الليل قمتي =تدعين رب يجلي الهم والخوف
إلا مرضت أوصابني هم كنتي=دواي عن كل الصواديف والحوف
يمه يفز القلب لامن زهمتي =واضم انا الهاتف شفوق وملهوف
حق علينا مابغيتيه نلتي =لو تطلبين النفس والروح والشوف
لوتامريني فدوتك ماطلبتي=من خاطر طيب ولا اقول لك أوف
أحلى قصيده يالحبيبه لك انتي=سطرتها باجمل عبارات وحروف