قالت علامك((مسابقات الشعراء))

قالت علامك ماتسجل لك أبيات=تدخل بها في مسابقات الشواعير
يمكن تفوز وتشتهر بالأذاعات=وتكسب مع الشهره شوية دنانير
ولاّ أنت خايف لو تروح الأمارات=أنه يجي مركزك ماقبل الأخير
قلت أسمعي يابنت بأعطيك كلمات=قلّيله ولاهي بتحتاج تكثير
الشعر في فهمي ترى وصف للذات=ماهو تراه بمدح وزير وأمير
أوهو تجمع للأحاسيس لحظات=أو بكلامٍ أبلغ الشعر تصوير
يدله به اللي غارق وسط الآهات=ويسلي المحزون ويجيب تقرير
يعطيك تقريره بليا أشاعات=عن الفؤاد اللي رمته المقادير
اللي رمي بسهوم عينك سريعات=وأصبح جريح اليوم مافيه تدبير
وأنا فودادك ماسمعت الملامات=باقي على ودك وشلون مايصير
ولوني أشارك في هذيك السباقات=لأبيض القرطاس عند المناعير