السلام عليكم ورحمة الله وبركاته
لفت نظري هذا الموضوع واحببت ان اشارككم النقاش رغم انه يعتبر من المواضيع الهامة و لعل كثرة الطرح والنقاش يصحي بعض الضمائر او يولد شرارة التوبه والرجوع لله
كالعاده شي بالعين تصدقه أكثر إذا كنت تكذب كلام الناس وهذا هو الواقع نبدأ الجوله
مشاهد وشاهد !!! ( موجهه لك ولكي)
تغطي يابنت هذا سعودي!!
طيب ليش ليش ؟؟؟
الموضوع صريح ويتحدث عن واقع نعيشه
وهنا بانقل لكم بعض المشــــاهد
المشهد الأول
^^^^^^^^^^^
فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطي كأنها ما كانت تكلم رجال زيه زي اللي دخل وغطي يا بنت سعوي.
المشهد الثاني
^^^^^^^^^^^
إمرأة تخرج للسواق أو العامل في المنزل بملابس عادية لا عبايه ولا ما يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت غطي يا بنت سعودي.
المشهد الثالث
^^^^^^^^^^^
بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وغطي يا بنت سعودي.
المشهد الرابع
^^^^^^^^^^^
مجموعه من الفتيات في أحد المجمعات أو في أي مكان ودهم يسألوا عن شي صادفوا شخص لابس جينز وقميص لو سمحت يرد سمي آووه آآآآسفين وغطي يا بنت سعودي < طلع سعودي.
وغيرها من المشاهد كثيررررررررررررررررر
طبعا كل المشاهد بمباركة الأب والإخوان وشي عادي لو شاف بنته أو أخته تكلم أجنبي عكس لو شافها تكلم سعودي .....
قد يكون هذا التصرف عن غباء أو جهل إلخ.... يعني من الممكن أن تكون هذه الفتاه على خلق ومحترمة لكن مالقت من يوجهها إن معاملة الأجنبي لازم تكون زي معاملة السعودي ومعاملة أي غريب
معليش هذا الواقع اللي عايشين فيه ...
المشكله والله ..( سوري + لبناني+مصري)عادي مولازم تغطي هذا أجنبي
( سعودي) ياخراشي والله سعودي تغطي يابنت الناس ..............
اقسم بالله انك سبقتيني بلموضع هذا واني جالس افكر انزلة لان قبل كم يوم صار لي موقف وراح اقولة لكم ولسا ترى ما كمل اسبوع ونارة لسا بقلبي ولو اشوف البنت مرة ثانية اقسم بالله غير اضربها كف اخليهاتنلوح وترجع السعودية الاحين لا بارك الله فيها ولا في الا رسلها تدرس خلوني اقولكم الموقف :
قبل كم يوم خرجت من الكلية فترة غداء وبروح اتغداء المهم في مجمع مطاعم في منها مطعم عربي المهم انا في الطريق لفتت نظري وحدة لابسة عباية وبصراحة انا فرحت ان شفت وحدة متحشمة ولابسة عباية المهم وانا ماشي جالس اطل فيها وشايفها مع واحد اجنبي تكلمة وتاشر بيدهاوباين انها ضايعة او تبغ تقول شي ومهي عارفة قلت اكيد فيها شي خليني اروح اساعدها المهم قربت منها قلت لها السلام عليكم قالت وعليكم السلام قلت لها شفيك قالت لا ولا شي قلت تبغين شي اساعدك بشي قالت لي لا شكرا قلت طيب ولسا بلتفت الا جاء واحد اجنبي ثاني وقالها اقدر اخدمك قالت له يس بليز !!!!!!!!!!!!!!!
بصراحة انا مادري كيف مسكت نفسي بس قلت هي حرة ولا وربي حقها من يمسكها وسط الشارع ويلطش اهلها عشان مرة ثانية تعرف ان الله حق.
بصراحة شي يرفع الضغط بس نقول الشره مو عليها ولا على اي بنت تسوي زيها الشره علينا حنا الا قلوبنا طيبة ونبي نساعد ونخدم.
بصراحة هذي التصرفات موجود في بعض البنات وللأسف .......
وانا لما أوقف عند بوابة الكلية أشوف العجب كأن السواق احد المحارم
مرة قدامي صار موقف وحد من البنات تكلم السواق في الجوال تقوله وينك طيب اخرج
علشان أشوفك والسواق ما شاء يعرفه ويجي ويأشر لها وتمشي معه
وتفتح الباب الإقدام وتحط إغراضها نفسي اعرف ليه؟؟؟؟؟؟؟وتجلس وراء ومشكله
تسأله ليه تأخر وووووالله يستر علينا
احد أقاربي لما كان في الخارج يقول السعوديات إلا مار حم ربي لما يشفونا الحمد لله
يستحون منا ويتغطون ويحاولون يسترون نفسهم ....!!!
أهم شيء لما تلبس الحجاب يكون عباد ليس عادة!!!!!!!
قال صلى الله عليه وسلم "إذا لم تستحي فأصنع ما شئت"
وهذا ينبغي ان نعالجه با النصيحة والإرشاد والدعاء لهن بالهداية
،،،،،،،،،،،،،،،،،،
ومامن كاتب إلا سيفــنى**ويبقي الدهر ما كتبت يداه
فلا تكتب بكفك غير شئ **يسرك في القيامة أن تراه
ادعوا لاختكم في الله فلقد فارقتنا الى الدار الاخره
اللهم اغفر لها وارحمها وعافها واعف عنها وأكرم نُزُلها . ووسع مُدخلها . واغسلها بالماء والثلج والبرد ، ونقها من الخطايا كما ينقى الثوب الأبيض من الدنس ، وأبدلها داراً خيراً من دارها ، وأهلاً خيراً من أهلها وزوجاً خيراً من زوجها وأدخلها الجنة وأعذها من عذاب القبر ومن عذاب النار
تغطي يابنت هذا سعــــــــــــــودي!!!!!!!
تغطي يابنت هذا سعــــــــــــــودي!!!!!!! 
مشاركة: تغطي يابنت هذا سعــــــــــــــودي!!!!!!! 
النمط الخطي
