رائعة حامد زيد

منك العذر وعلي المعذره
لاتحسب حساب هجر ولاهجير=

كل ذنب بتذنبه باستغفره
واحد مايعذرك مافيه خير =

دور بصدري وطن واستعمره
عندك من الظلع الاول للاخير =

عيش فيني ودمر اللي تدمره
واعتذر لي واعتبر سرك فبير=

لاتبشرني بجرح وتذخره
لاتعشمني بحزن وتستخير =

لاتنومني بليل وتسهره
ولاتنام الا وانا جفني سهير =

خلني مثل النجوم مبعثره
عيش فيني لاشهيق ولا زفير =

لاتقول العفو عند المقدره
خل قلبك صلب واحسابك عسير =

المسامح والزعل للمبزره
والا انا لاني زعول ولا صغير =

ودي ادري كيف للحزن اثمره
ودي اقطف من قساوتك العبير =

ودي اجفل من فراقك واحذره
ودي اعرف لوفقدتك وش يصير=

لو تقدر خاطري صدق اكسره
لوصحيح تحبني لاتستشير =

ازرع بقلبي سبب يستنفره
اثبت انك غير وان الناس غير =

شاعرك ماكل بنت تجرجره
حارت به عقول ناس ماتحير =

النسا ماحركن فيه شعره
ثار عشق ومالقى شي يثير =

ان سكت كن الوقار فمنبره
وان تكلم زمهرير بزمهرير =

مايحضر الا القلوب مجمهره
ومايغيب الا وعشاقه كثير =

ان هجرته تستقر بمحجره
وان تعبت رضاه ماعينت خير =

اسكنه لكن بعد ماتهجره
ابتسم له بس لاشفته كسير =

حن .. لكن حن لاجبت اخبره
حب .. لكن خل حبك بالاخير =

لوعطيته وجهك اعطاك ظهره
صد عنه ويتعبك مثل الضرير=

لاتحاول تكسبه .. ماتخسره
صير ثلج يصير لك مثل السعير=

ماتميل الا الغصون المثمره
ومايسيل من الجروح الا الغزير=

من قبل لاتنقهر منه اقهره
قبل لايستحقرك خلك حقير =

استفزه .. شتته .. فج نحره
اعشق ..اكره .. عاتب .. اشره .. حن .. غير=

انثره .. لملمه .. لملمه .. انثره
صد .. كابر .. طير لو تقدر تطير=

من متى وانا اتحرالي مره
تثبت اني لاوقعت اوقع كبير =

ابك انا مقطوع من غصن شجره
لاصديق .. لارفيق .. ولاعشير =

ابدوي وشيب الصبر اشعره
ماعرف ريش النعام ولا الحرير =

ان غفا كن السحاب يدثره
وان صحى يفرش من الرمضا حصير=

ماخذ من قسوى البيد اكثره
ومن شموخ البدو شر مستطير =

جنته صحراه والشوك .. ازهره
والسراب بنظرته مثل الغدير =

ان فزع يا مشجعه يا مظفره
من خلق الله وهو قرم فقير =

كان ما تقدره قل ما تقدره
صير غالي صدق والا لاتصير =

الغلا اللي ماتزعزعه اهجره
كان قلبك لايجار ولا يجير =

شوف لك رجل بليد استحقره
واجد اللي يعشقون بلا ضمير=

بس انا لوجبت لي مية مره
ماتحرك في شعره لو تطير =