رشيد الزلامي x تركي ألفين (محاورة ناريه بكل ما تعنيه الكلمه)

ياتركي الفين نسمـع عنـك بعـض الكـلام=ومطـيـر مـاودنـا نـشـذب عراقيبـهـا
امـا ليـا جيتنـا وقـف 00ورد الـسـلام=ولا نكبـنـاك نكـبـه مـانـت داريبـهـا

السـر مدفـون مابيـن اللحـم والعـظـام=واهـل المواجيـب ماننقـص مواجيبـهـا
أنـا سلامـي عليكم00مـرةٍ كــل عــام=واهــل الهنـاديـب ماتنـفـع هناديبـهـا

انته مـن العـام تخلطهـا حـلال وحـرام=ماعـاد لـك قبـلـةٍ تـعـرف تصليبـهـا
تشيـل عشريـن طلقـه ميـتـه بالـحـزام=وتزهـب البـنـدق العـجـرا وترميبـهـا

اللـي يقـول الحقيقـه مايجـيـه الـمـلام=والنـار ياكثـر مـن يشـعـل مشاهيبـهـا
إن كـان عيـن الزلامـي مايجيهـا المنـام=من يرخـي إذنـه لهـرج النـاس يوحيبهـا

تـرا معـي حيـلـةٍ لمخالفـيـن النـظـام=والله لخـلـيـك يـاتـركـي تهذريـبـهـا
وإني لطاردك وسط المملكـه شـرق شـام=لـيـن الـطـروق الرزيـلـه ماتغنيبـهـا

أنته00وانـا 00كلنـا متقاسميـن الطـعـام=لـكـن الايــام لاتـامــن عواقيـبـهـا
ياراعي الخشـم خشمـك لا يجيـه العـرام=لحيتـك تقديرهـا مـن قــدر أشانيبـهـا

الوقت يـا شاعـر المطـران جالـه سنـام=لكـن عوجـة رقبـتـه00وش نسويبـهـا
والحر يشبك بفـرخٍ مـن فـروخ الحمـام=يـا طيبهـا يـوم جابـت صقـر ياطيبهـا

صل الفرايض وحج البيت واقـض الصيـام=لا عــاد سبحـتـك للعـالـم تواميبـهـا
النور يا شاعر الروقـه00 يزيـل الظـلام=وحـنـا صـقـور ٍ تعشيـهـا مخاليبـهـا

انتـم قبيلـه لكـن الطـق فــك اللـحـام=مطـيـر قــوم ٍ خلقـنـا الله لتعذيبـهـا
سقنـاك مـن قلـة الحـره لغربـي نعـام=ديـار تصبـح بهـا00 وديـار تمسيبـهـا

أعرف عشيره واعرف الجمش واعرف جهام=ياشيب عينـك مـن المطـران يـا شيبهـا
تحمـد الله00 وريـح فـوق ريـش النعـام=ضيوفـكـم ماتـبـا تـجـرح معازيبـهـا

انتـه تعـرف الدير00لكـن بيـاع خــام=ماغيـر تمشـي وكــل أرض ٍ تعشيبـهـا
حنا ليا حميـت الهيجا00وحصـل الزحـام=نشـرب فناجيـل خـلـق الله0ونرميبـهـا

أنا من اهـل الأشـده فـي نهـار الزحـام=رجليـك اباأنشـدك مـن كسـر عراقيبهـا
ياهـل الفناجيـل جاكـم ردهــا بالتـمـام=من حول أهـل المناصـب مـن مناصيبهـا

صاحبك شايـب لكـن انتـه بسـن الفطـام=أعـرف علـوم ٍ ماظـن ألفيـن يدريبـهـا
والله يالولا حيـاي مـن الرجـال الحشـام=لا قولهـا صـح00 وآخلـيـك تسريبـهـا

انتـه تحلـم00ولا غشتـك غيـر الحـلام=راجـع دفاتـرك تلـقـا فــي مكاتيبـهـا
وراك مـا قلتهـا ياصاحبـي مـن شـمـام=حتى إن حملتـك فـي ظهـرك تزوزيبهـا

يامطيـر ماعـاد ينفعكـم شـراب وطعـام=مـن يـوم فارقتـم أم الرمـث وشعيبـهـا
قامـت عليكـم دروز ٍ ماتعـرف الـكـلام=وانتم كمـا العقـرب اللـي تلـوي ذنيبهـا

جدك توفي وفارق ناقشات الوشام=وابوك شيب وهيبتنا يهذريبها