بروق تلالا .. لأمير الشعر الغزلي

يالله بـ نو مدلهم الخيالا=

طافح ربابه مثل شرد المها الزرق

لي جا على البكرين بنى الحلالا=

ولى عاد لا يفصل رعدها عن البرق

يسفي غرسٍ عقب ما هي همالا=

حط <الحريق> ديار الاجواد له طرق

أسقى نعامٍ ثم يملا الهيالا=

يصبح حمامه ساجعٍ يلعب الورق


جريت انا صوت الهوى باحتمالا=


في وسط بستان سقاه اربع فرق


طبيت مع فرع جديد الحبالا=

وظهرت مع فرع تناحت بي البرق

روشن <هيا> له فرجتينٍ شمالا=

بابٍ مع القبله وبابٍ مع الشرق


ومبسم <هيا> له بالظلام اشتعالا=

بين البروق وبين مبسم هيا فرق

برقٍ تلالا قلت : عز الجلالا=

واثره جبين صويحبي وحسبه برق!!


ياشبه صفراً طار عنها الجلالا=

طويلة المسحوق تنزح عن الورق


له ريق احلى من حليب الجزالا=

واحلى من السكر الي جا من الشرق


حنيت انا حنة هزيل الجمالا=

ينقض روي الخيل قـد مسه الفرق


ويا قلته في عاليات الجبالا=

ماها قراح مير من دونها غرق


ماعد للصبيان فبها أحتمالا=

من كود فرقاها يديهم لها طرق


قالوا: تتوب من الهوى ؟ قلت لالا=

الا ان تتوب رماح <علوى> من الزرق


قالوا: تتوب من الهوى ؟ قلت لالا=

إلا أن يتوبون الحناشل عن السرق


قالوا: تتوب من الهوى ؟ قلت لالا=

إلا أن تتوب الشمس عن مطلع الشرق


أخذت منها حبــتــينٍ تتـــلالا=

يوم ان نسناس الهوا تطرقه طرق