ملخص محاورة بخيت السناني وسفر الدغيلبي ( المباشرة )

الاوله بالتحيـة والتحيـة سـلام =سلام مني عليكـم ياهـل المنتـدا
والثانية فاضت الأنعام والطير حام =الليل يلقى عشا والصبح يلقـا غـدا

يامرحبا عد ماصلى المصلي وصام =ترحيب يرضي ضميرك يابعيد المداا
الصيد ملي البحر والخير قبله وشام =واللي بجال البحر ماجاه غير النـداا

عاملتكم بالوفا والطيب والاحتـرام =وعاهدتكم مايجيكم مـن جنابـي ردا
واليوم بعد استقام الوضع والحظ قام =لاتزعلون الصديق وتفرحون العـدا

الطيب ماهو غريب من الرجال الكرام =وانته جمعت المراجـل كلهـا ماعـداا
العز ماهو منامك فوق ريش النعـاام =العز وقفتك قـدم الجيـش يـوم الفـدا

لاصرت واثق بنفسي مايهم الكلام =هيـا تكلـم وعبـر دام مالـك جـدا
واللي يبا الحرب من بكرع يشدد الحزام =نسحل حديد المعادي لين نجلا الصـدا

النور يشرق من المشرق ويجلى الظلااام=وكلٍ يسافر على دربـه متـى مابـدا
أن جيت حطيتها بين اللحـم والعظـاام=وعزو بعضكم لياراحت عليكـم سـدا