عـــزوة قــضــاعــة / للشاعر زيدان بن علي البلوي

بالبدايـة نبتـدي باسـم الجليـل=الكريـم اللـي عليـه الاتكـال
.

واشكر اللي خصني شكرا جزيل=بالوقوف اقبال سمحيـن القبـال
.

ولابدعت من الكلام الا الجزيـل=ولانظمت من القصيد الا الجزال
.

مرحبا مالاح بـرقٍ فـي مخيـل=بالرجال اللي لفوا عند الرجـال
.

ومرحبا ماسال سيلٍ مـع مسيـل=بالعمام اللي لفوا عنـد الخـوال
.

من قضاعة في قضاعة والجميل=كسبهم من عصر ابو بكر وبلال
.

اصلهم في فصلهم ثابت واصيـل=كـامـلٍ عــده ولله الكـمـال
.

عزوة قضاعـة مزبنـة الدخيـل=مكرمين الضيف في جزل الحلال
.

مكرمين الضيف لاشـح البخيـل=ومرخصين المال يوم المال مـال
.

مرخصين المال في بـنٍ وحيـل=ومرخصينه في ثمن هيل الـدلال
.

الكـرم موروثهـم جيـلٍ لجيـل=ورثة الشيـاب لصغـار العيـال
.

عزوةٍ يوم انهـا هجـنٍ وخيـل=والليالـي بيـن ميلـة واعتـدال
.

والقبايل بين حـط وبيـن شيـل=والزمن من بين نزلة وارتحـال
.

يتعبون الجيش بالدرب الطويـل=ويرخصون اعمارهم عند القتـال
.

يشهد البارود والسيـف الصقيـل=ويشهد التاريـخ مافيهـا جـدال
.

يشهـد التاريـخ باثبـات ودليـل=والصحابة ذكرهـم اكبـر مثـال
.
مجدهم عالي مع الجدي وسهيـل=وفخرهم نايف على روس الطوال
.

لو كثرت بمدحهـم يبقـى قليـل=ولو بغيت ازيد ما كفى المجـال
.
تمت وصلوا عدد صبـحٍ وليـل=والصلاة على النبي ختم المقـال

.