تركي2000 و سفر الدغيلبي

تركي




سلام تسليمتن تسوى رصيد اهل الملايين=
ابديبها للقبايل في محـل اهـل الشهامـة
يابن سعد صاحبك وشقاللك من قبل يومين=
الرجال مايسحب السكين ويقطع حزامـه



سفر




يامرحبا الفين ضرب الفين تنصى تركي الفين=
نكمـل تراحيبنـا بالفعـل لمكمـل سلامـه
الي يبا يرضي الاقصين لحسـاب المواليـن=
هذاك قله يويق الصبح فـي ريـع الندامـة



تركي




الضرب والجمع في الاعداد والى في الميادين=
ياراعي البشت لبس البشت مع راع العمامـة
اضن لبنان راحت مثل ماراحـت فلسطيـن=
مابقـي الا تهـب الريـح وتقـوم القيامـة



سفر




اخذتلك في ضواحي نجد والصمان شهرين=
واليوم كنك تبا المعواد في ساحل تهامـة
يابيلنا معركة كبرى تشابه يـوم حطيـن=
حتى نبشر مدورت السلامـة بالسلامـة




تركي




صاحي ويمشي مع الصاحين ويكب المجانيين=
والي رقد في فراشـه مايصحـا مـن منامـه
طاحت ضروس الجمل ماباقي الا فيه ضرسين=
والمشكلة كان لامنـه بـرك ثقلـت عظامـة



سفر




يومنها حرب هرج ومرج بالعون معذورين=
ويمنها شوف عين لعين عيب الانهزامة (1)
تقول الامثال لاطاح الجمل جات السكاكيـن=
واللوم ينصى البعير ولا على الخوصة ملامة



تركي




اليا استعـدت حنـا يالعتيبـي مستعديـن=
.الخوف مايجلس الى فوق بيبان الرخامـة
ياطير من بعد ماجالك مخاليب وجناحيـن-
خوى القرانيس لاترجع على بيض الحمامة



سفر




وين استعديت وانته نازح من ثرب ويمين=
حربن عبر شاشة الجوال مامنها زعامـة
انكرتنا عام الاول يوم لبسنـاك ثوبيـن=
ثوبن ملون وثوبن مثل بـراق الغمامـة



تركي




الله ولا الديرة الي ماسكنها الى الشياطين=
البعد عنها نهاية بخل وبدايـة كرامـة
العام قلولي انك صرت امام للمصليـن=
واليوم تذن ليامنك خلصت من الاقامـة



سفر




الخوف والضعف يالمطران يخلن المراحين=
والله لو الخوف عز لتدمـر العالـم نعامـة
تسعير بعض العرب في سوقنا تسعير بنزين=
تسعين لكن طويل العمر غير فـي نظامـة



تركي




علامتك ياطويل العمر بين الخشم والعين=
وشلون جت فيك والعتبان مافيهم علامـة
صحيح والناس فيهم ناس ماتسوى ريالين=
وبداية الوقت يابوزيد يدري عن ختامـه



سفر




تجميع تركي سعودي والقطع من دولة الصين=
والبدي مصبوغ والهيكل مثل عود الثمامـة