محمد متروك السناني وبن طمحي

محمد بن طمحي :

سلام ردية يتم ارسالهـا عبـر الجهـاز=
والاجهزة تنقل كلام الناس عبر ابراجهـا
قالوا جهينة عندها أخبارٍ يقينه في الحجاز=
في ماضي الأيام واليوم اختلف منهاجهـا


محمد السناني:

يامرحبا باللي سلامه يرسله باحدث طراز=
باحدث فنون التقنيـه كلمتـك ياهراجهـا
تاريخنا ماضي وحاضر بالفخر والاعتزاز=
ماضي على طول الدهر والناس مانحتاجها

محمد بن طمحي

حنا نشوف الوضع تالي الوقت جاء فيه انحياز=
كم ناس مرتاحة وكم ناس(ن) يزيد احراجهـا
أحد(ن) يبيها تنتهي وأحد(ن) يولعهـا بقـاز=
صارت قضية والحكيم اللي يجيـب اعلاجهـا

محمد السناني:

هذا جزاء من يحذف العالم وبيته من قزاز=
اشوف عيناً تشتكي من رمشها وحجاجها
الحل عندك قالو الروقه عطوك الامتيـاز=
حافظ على رووس القبيله لايزيد ازعاجها


محمد بن طمحي

فلان فاز ولا عرفنا يالسناني كيف فـاز=
وفلان يوم انه دخلها ماعرف مخراجها
ترى المعزة ماتبين الا من الناس العزاز=
ياللي تذكرنا بحوراً مغرقات أمواجهـا

محمد السناني

اللي ليانَه جت له الفرصه يجيد الانتهـاز=
حظه تعلى فوق وارض الله وساع افجاجها
يالله عسى المبنى سليم من الخلل والاهتزاز=
الناس لاتطمع تعلق تـاج ماهـو تاجهـا