سلام ردية تخش الرووس وتخش البيوت=
عبر إتصالات الحداثه واتصال العولمـه
لكل من يقرأ ويكتب في نظام العنكبـوت=
والحظ الأوفر من نصيب النخبه المتقدمه
مستور السفياني:
يامرحبا ترحيب وافي جعل راسك ما يموت=
يالشاعر اللي شرف الصفحة وعبر من فمه
العبد ياخذ ماكتب له لو يفوتـه مايفـوت=
واللي مقدر له يجيله حسب سيره باقدمـه
محمد السناني:
دام البقا ياللي يقدم مرحبا مـن دون صـوت=
اللي قرينا كلمتـه عبـر الجهـاز مترجمـه
أصبحت في موقع ثقيف إسماً من كبار البخوت=
أصبحت في موقع ثقيف إسماً بـدون مقدمـه
مستور السفياني:
رحبت بك ترحيبة مثل المصلي في القنوت=
ترحيبة المسلم ليا شاف العبـاد المسلمـة
انته لبست البشت بشتك من مزاين البشوت=
يالشاعر اللي خصلة النخوة تسير في دمه
محمد السناني:
ترحيبتك تستاهل أحلى كرت من بين الكـروت=
لكن ويش يعـذرك لـو إن الـدروب ملغمـه
إن قلت كلمة حق قلت الهرج خير من السكوت=
والمجتهـد لابـد صكـات الزمـان تعلـمـه
مستور السفياني:
انته تنكت في الزمن والناس تعملك نكـوت=
وان جات غلطة تنحسب بين المدرس واقلمه
ظهور مظلوم الزمن ماخوذ من سر الكبوت=
وأكثر عباد الله وجوده ينحسب مثل اعدمـه
محمد السناني:
تعب المدرس والقلم بين المـروج والشمـوت=
والناس تجذبها الدعايـه والدعايـه موهمـه
لو كنت دارس منهج ابن جبير واسبت السبوت=
قالت ثقيف شعيل شـال احمولـه المتراكمـه
مستور السفياني:
مهما تعلم لاعب الشطرنج واتقن في البلوت=
لابد له من مازق(ن) يجلس يتمتـم تمتمـه
صوت الهواء لو زاد ما غير شراع الجيلبوت=
والبيت مبني لاظلم واحـد ولا بـه مظلمـة
محمد السناني:
يابلشة اللي يرتجي له جوهره في حلق حوت=
البحر مايامـن ركـوده والليالـي مظلمـه
واليا بنيت البيت ثبت من مكانك ثـم شـوت=
واحسب حساب المقبلات الوقت مابه مرحمه
مستور السفياني:
مابه غرابه يامحمـد كـل زرع مـن النبـوت=
يونس حفظه الله ولا جا شي في عظمه والحمه
اليا تكاتفنـا وعدينـا لنـا شـرب(ن) وقـوت=
نبقى على عهد الصحابة ماهو عهد
محمد السناني ومستور السفياني
محمد السناني ومستور السفياني 
النمط الخطي
