سلسال فوق النار

شيلي السلسال عـن هـذا النحـر=اصلا السلسال مـو لائـق عليـك
خلـي السلسـال للـي ماظـفـر=بالجمـال اللـي عطـاه الله اليـك
شيلي السلسال مات مـن القهـر=من كثر مايشع نـورك ذاب فيـك
وينصهر كنه علـى نـار وجمـر=وصار يتقلب على هـاذي وذيـك
ومن ضياء صدرك خفت نور القمر=وكل حسـن يغـار منـك مايبيـك
شوفـي السلسـال يبغـى ينتحـر=من كثر مايغـار منـك ويشتهيـك
اترك المسكيـن يـاروح السمـر=اعتقيـه الله يرضـالـي علـيـك
اسمعيـن زيـن ياكـل العـمـر=شيلي السلسـال يرحـم واللديـك
انت فيك تـذوب همسـات النظـر=كيف عاد اللي بجمسـه يحتويـك
كن صدرك بدر في نصف الشهـر=والنجوم شعاع صادر مـن يديـك
وشوفني من عام عاشـق للسهـر=ماغفى جفني على نـار احتريـك
وراح اظل انا كـذا لـك منتظـر=باانتظر حتى خبر موتـي يجيـك
وقالـو المكتـوب ماعنـه مفـر=وكان ماجيتي ترى موتي وشيـك
اسمعـي يابنـت ماباقـي صبـر=ياتجين اللحيـن والا انـا باجيـك
واسمعي تكفيـن يالمـوت الحمـر=فكي السلسال مـو لائـق عليـك