السلام عليكم
هذالحاورة المباشرة على منتدى الهيلا
هذي المحاوره المباشره بين كلٍ من الشاعرين عبدالعزيز العازمي وسفر الدغيلبي
عبدالعزيز العازمي
عتيبه هل الموقع تراهم يقولـون=
هـلا مرحبـا واقولهـا بالنيابـه
علا الله توكل ياسفر وامش بالهون=
علا شان ماتزعل علينـا عتابـه
سفر الدغيلبي
انا من هل الموقع واجاريك وآمون=
واقول البقاء واللي حضر مرحبابه
عميل أتركه وآقول فالحفظ والصون=
وعميل أزعله واطلعه مـن ثيابـه
عبدالعزيز العازمي
انا خابرك منا ولا انته بشـارون=
ترى الاادمي ملزوم يحسب حسابه
والا ياعميل الخير مجنون مجنون=
تفرط فسيفك وانت ماسك نصابه
سفر الدغيلبي
ذبحتوا لكم فاطر على تسعة صحون=
تبون العشاء منها وراحـت نهابـه
ياليتك لعنت أبليس وابليس ملعـون=
على شان أوردك (الحفر ) (واللهابه)
عبدالعزيز العازمي
انا شاربي من سمنها اليـوم مدهـون=
لكن انـت جايـع والذبايـح تشابـه
وانا ذيب ما ارضى عيشة الذل والهون=
وصـدام دايـم فـوق راسـه رقابـه
سفر الدغيلبي
توكد ترى بعض السمن زيت زيتون=
يسّوق ولاحدن ينتفع مـن شرابـه
ليا بان راسك شي عادي وش يكون=
وإذا غاب قلنا خيرته فـي غيابـه
عبدالعزيز العازمي
انا اعلمك بالعلم والعلم مضمون=
واقول انت ما غواك غير العصابه
منول لكم وقفه ومعنا تهوشـون=
وذلحين ضيعتو فنـون الحرابـه
سفر الدغيلبي
تشوف العنب وتقول حامض ياليمون=
وهو فوقك أبعد من متون السحابـه
غسلنا يدينا من طرفكـم بصابـون=
وهوشٍ على غير السنع وش نبابـه
عبدالعزيز العازمي
نصيحه ليا رحتو لمكه تحجـون=
لا تدعون دعوتكم ماهي مستجابه
تقوله بعد ما شلتو كليب مطعون=
ترى اشد حرب الحرب بين القرابه
سفر الدغيلبي
نصيحه عن الديره واهلها تشـدون=
جفتكم ديـار ألأنبيـا والصحابـه
كليب أنتصر ماضاع له عندك أديون=
وغير النصرسلـط عليـك الرقابـه
تحيااااااااااااااااااتي
م ن ق و ل 
عبدالعزيز العازمي وسفر الدغيبلي
عبدالعزيز العازمي وسفر الدغيلبي 
النمط الخطي
