امي مريضه وادخلوها العنايا

بسم الله الرحمن الرحيم
هذي قصيده للشاعر مرزوق بن بخيت الذبيــــــــاني

من سكان المدينه المنوره وكانت امه تسكن بمحافضة ينبع_______

السالفه ان امه تنومت في مستشفى بالعنايه المركزه في ينبع وكان هو مرافق عندها

وكانت ام عياله تنشد عنه في غيابه وترسل وصايا مع الي يروحون يزورونه

وزاره مره معيض وقاله مرزوق هالبيتين

انششششاء الله تعجبكم

يامعيض سلملي على ناعم العود ************* اللي يريد شوف(ن) ويرسل وصايا

قله تراني اتالي ضرف ماكود************** امي مريضــه وادخلـوها العنايــا

ترقدت وانا اصل البيت واعود************** واخاف يزعلها عـليه بـطايــا

حلفت ماتركها وانا حي ماجود*************** من واجبي ما القي امي قـفايــا

ياما حضنتني بين نهدين وجعود*************** ياما عطتني من لبنها غذايــا

يامعيض شالتني بمتون وعضود************** وترخيلي المتـنين تقصد رضايا

سهرت عليه والعرب نوم ورقود************* وان صحت قالت ليه وشبك ضنايا

وان غبت عنها تمسح الدمع بزنود************ تمسح دمـوع عيونـها من غلايـا

حبـيلها ماهــوب بعيــب ومنقود************ والعيب لا وديتها دار الرعايا

عن حبها لا يسلن لا بيضن ولا سود********* ولو حطني بين النحر والحضايا

يالله عساها تطيـب ولبيـتنا تعـود*********** واطلـبك يامولاي تقبل دعايــا

تمت وصلو عد ماحنن البود************** واعــداد ماتعلمــو للقـــرايــا

على نبين قام بالدين بجهود************* المصطفى المختار راع الهدايــا




اخوكم ولــــ جهينه ــــد