تركي السناني و د. العصيمي

16 شوال 1427هـ, 02:41 ص

ذيب جهينه

تركي السناني و د. العصيمي

السلام عليكم ورحمة الله وبركاته

أضع لكم هنا محاورة مميزة معنى ومبنى.. أتمنى أن تنال استحسان الجميع

كانت بين :

الشاعر الكبير / تركي السناني

والشاعر الكبير / د . حمد العصيمي

تركي السناني

سلام من شاعرن يعرف حدود الزين والشين
يبني بيوته على الطاله ويرفع في عمدها

هذي رساله وانا ابغى ردها لو بعد عامين
اما يجي ردها والا العذر يصبح رددها

د . حمد العصيمي

الله وضع حد يا الشعار بين الشين والزين
يــا مـــرحبا يا بيوت بنيها اولى من هددها

يــا تـــركـي 2006لا تعود تركي 2000
احسب حساب الليال المقبله واللي بعدها

تركي السناني

يا راعي الديرة اللي وصفها من حضن ويمين
نــبغي نــلف الــجنازه وانــت وسـع في لحدها

قبل امس قفلت عنا السوق واغلقت الدكاكين
يا فــكرتي فـيك يـا اللــي نعمة الله ما حمدها

د . حمد العصيمي

يا راعي الديره اللي بــين بـحر وبين ظــلعين
ما قدمك الا العدود اللي تــروي مـــن وردها

في سوقنا ما يحول راع ابو عشرة وقرشين
والسلعــه الحايــره والــبايره تــرجع بــلدها

تركي السناني

خل السوالف تجي وتروح وتقر الموازين
واللـي بـغى الـغاليه عندي ليا دور وجدها

عد الجنايز وتلقاها يجي خمسه وعشرين
لــكن بـا الله لــيا عــديت لا تـنقص عددها

د . حمد العصيمي

يا صاحبي يا السناني دوب جات العين فا العين
والــدرب قــدامـــنا والــسابــقـة تــطلــع بــيدها

يــا تــركي مــنين جاي الليله ورايح على وين
الــناس قـــالوا يــدور للــذهـيـبه مــن فــقـدها

تركي السناني

سوق البعارين وانــا اجــيك بحــمول البعارين
وابـعد مداها عشــان ليا عدت تعــدي جــهدها

الله يــعوض هــوازن كــلها فــي غــزوة حنين
هذا جزى اللي رضى الاصنام له رب وعبدها

د . حمد العصيمي

راع البعارين ساق الذود وازعل راعي الضين
والــغافل اللــي وخــذ فـا اللـيله اللي ما رقـدها

هــذيك غــزوة قــضاعه بــعدها راحت قطاعين
راحـــت قطاعين فوق الارض وارقـد يا ولدها

تركي السناني

اللي تبيها عليها اليوم راحت خمسه سنين
وازريت فا العقده اللي حظك النايم عقدها

وحده بوحده يقولون الرجال الدهر يومين
واللي بقي لك بعدها فا لزمان امر وادهى

د . حمد العصيمي

اللــي نبــاها خــذينها غــصـيبه يــا مــســاكين
شــالـتكم الــمزنه اللــي بــرقها يسبق رعدها

لله يطـــول حــياتك لــين تــقدر تـــقضي الــدين
واللي مضت كان طاري لك طواري قم وعدها

تركي السناني

المسكنه قسم اهلها ماهي بقسم السلاطين
لا تقرب الغابه ام وحوش لا يا كلك اسدها

حبل الشقا بيننا ممدود وتـجـيك الــبراهـين
كــلن يــقـوم ركـون الــمله اللـي يــعتقدها

د . حمد العصيمي

يا جوج ماجوج تحفظهم جبال الهند والصين
وان واعــدتنا بــعد بـكره نــجيها في وعدها

والله لاطــلعك تــال الـــماد لا دنــيا ولا دـين
واخــذ عــليك الصــكوك اللي يثبتها سندها

تركي السناني

تـــبا تعيد الليالي يا الـعصيمي حــرب حطين
واللي شهـــدها يعلم با الخبر من لا شهدها

نــذكر نــــهار الثلوث ليا ذكرتوا يوم الاثنين
يا اللي رميت الحطب فا النار ولعها وزدهـا

د . حمد العصيمي

ان عادها الوقت رحتوا حب في وسط الطواحين
مــا تــطلع الــسجده الا فـي جـبـين اللي سجدها

من مواضيعي :

≈ أرقام مكاتب الشعراء في المملكه
≈ قصة الأمير صياح أبن غنيم مع سجين تبوك المطيري
≈ إذا المراجـل لبسـة شمـاغ وعقـال ------قـل للـعـذارى يلبـسـنّ العمـايـم
≈ (راحت الروح) للشاعر عبيد الدبيسي
≈ بخيت السناني يقدم ((سيارة )) مجاناً

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر