أعرف إنك لاضعيّف عزوم ولاشرود

السناني

يالعصيمي يحضر الشيخ وإنجيب الشهود
والوعد بيني وبينك وباب المحكمة

أعرف إنك لا ضعيف عزوم ولا شرود
مير قدامك ثلاث الدروب ملغمه

العصيمي

يامحمد مانعرض صوادرها الورود
تدعي في حق ولا تجي في مضلمه

كان صادق خلها زنقره في رأس عود
وإن نحرت شعيل أبي أعطيك شحمه ولحمه


>السناني
الشريعه حق والحكم حكم بن سعود
أدعي فالصاحب اللي شرد فالمكرمه

عاذنا الله من مصير النصارى واليهود
الرجل يؤخذ على الكلمه اللي من فمه

العصيمي

السبب كله من اللي ورى عرق النفود
ألفووا منها كتابٍ وسوو ملحمه

يامحمد ياحمد ياوجودك بالوجود
القمرمابان والشمس عنك مغيبه


السناني

أدري إنك لامنافق ولاقلبك حسود
ميرأضنك يالعصيمي تريس منضمه

زين طعم القات عند الحضارم والزيود
باقي البلدان مكروه لونه وطعمه

العصيمي

ماتقوم البنيه الا على ساس وعمود
من يعمر البيت ماهو مثل من يهد مه

ياجهينه داركم عطروها بالورود
بكره المجرم يعود يجيب المجرمه

>السناني

قامت البنيه على ساس من عهد الجدود
داخل البنيان بهتان ولا نم نمه

دارناعز ومعزه وطيب بلا حدود
وشعب متقدم مع العالم المتقدمه

العصيمي

يالسناني صرت كنك من أصحاب الخدود
الخشوم مشرمه والفواه ملزمه

شب نارك وإشعل النار من رؤوس الزنود
وإدع للحيين والميت الله يرحمه


السناني

يالعصيمي صرت كنك من كبارالهنود
هرجك اللي من لسانك يبيله ترجمه

شبت النيران والدرب ماعنها صدود
لونطيعك في كلامك قلبنا الأنظمه

العصيمي

ياعرب كن ماهو فالوجود صاحبي لكن زل بلسانه وإقدمه

يامحمد يامحمد تراها لوتعود
ماتعود منه إلا الضلوع محطمه


السناني

طول عمرك تسقي الناس من سم الكبود
لاتغارب كان صابك >محمد> بسهمه

أدري إنك عد راهي وراه أربع عدود
مير أبي أعلمك واللي وراك أعلمه

العصيمي

كلكم عندي سواة المجنن فالقيود
العيون مكحلهوالفواه ملزمه

أنت مثل الذيب سرحان مابين الأسود
كل ضلعٍ في طريقك تحاول تصدمه

السناني

ماطلبنا منك رحمه ولا قلبٍ ودود
الثوابت ثابته والعقول محكمه