محاورة الشاعر الكبير:ابن عياد مع سعيد الفهري

سعيد الفهري

مرحبا ترحيبة ترقا على روس النوايف=عند ربع تمن الملحوق ويذري ذراهـا
ان غدا مصلح ولد عياد ما قلنا حسايف=الرجا فالحارثي الاخر دوا العين وهناها


××××××××××××××××××××××××××


مصلح ابن عياد

البقا ياللي ترحب وانت عنا فالذلايـف=عندك علوم غريبه ما درينا وش وراها
الركاب ام الاشده والركاب ام السفايف=سجها فالملعبه حتـى تعـدا منتهاهـا



×××××××××××××××××××××××××


سعيد الفهري

العرب صاروا قلوب شتات وقلوب ولايف=وانت تبغا تقطع الشجره ولا تترك لحاها
ياوسيع المعرفه خلها على العليا خفايف=قبل تاصلك الذياب الشهب وتعود عشاها



××××××××××××××××××××××××××



مصلح ابن عياد

ياسعيد انته على جرف من الدنيا مهايـف=ضايق من ضيقة العالم وترضا من رضاها
واحد فوق الشداد وواحد فـوق الردايـف=والكبود اللي تبا الما ما جداها الا ضماهـا



××××××××××××××××××××××××××



سعيد الفهري

العبيـدي مـا يفـرط فـي دمـه وانتـو حـلايـف=ميـر طعنـي خاطـب العالـم وتعـرف مستـواهـا
حـــــتــى صـــبـــــان الشلاوى كلهم فاحسن وظايف=والبقوم تكح بالكحه ولا تلقا دواها



××××××××××××××××××××××××××



مصلح ابن عياد

انت ياللي تلفت لي بالنظر ويـش انـت شايـف=مدري انتـه دون ضلعـان الهـدا والا وراهـا
الشلاوى يمنون الطارفه يا كل خايف=والبقوم اليا نصاها خايف يذري ذراها




××××××××××××××××××××××××××


سعيد الفهري

انت شديت الجمل تبغا تمشـا فالمصايـف=وانا حليت الديار اللي تزبـن مـن وزاهـا
مخطي كانك تحسب الوضع بين الناس كايف=لاتغالط نفسك القشـرا ولا تطـرد شقاهـا



××××××××××××××××××××××××××


مصلح ابن عياد

الجبل يفتكني من غـزوة فيهـا كلايـف=جاك من غرب الجزيره قوة تطحن رحاها
انت مدري طارفه والا هواجيسك طرايف=قبلك اقدم منك ما يملا عيونه من هواها




××××××××××××××××××××××××××




سعيد الفهري

الجبل يمنك يا المحتـاج وتكـف الذرايـف=كم وكم من لحية ولسانهـا ثبـت جماهـا
اتكلم بالكلام الحق يـا شيـن الوصايـف=ما انكوى بالجمرة الحمرا يكون اللي وطاها




××××××××××××××××××××××××××




مصلح ابن عياد

راحت اموال العرب بالثلث مدري بالنصايف=لاتعيدالسالفه خل السوالف فـي سراهـا