قصايد لشعراء القلطه

مع اول القصايد نبـدا ((( ذيـب الشمـري ))


احبك كثر ما عذبت غيري من جميع الناس=واحبك فوق حب امك وابوك وباقي اخوانك
غلاك اكبر من احلام الشباب وفيه قوة باس=طويت اطوّل مسافات السعاده فوق نشوانك
لك المستعمرات من المشاعر ماتبي حراس=تسيدّها غلاك واصبحت جزءٍ من اوطانك
تحل ضيوف ذكراك الجميله بالعيون انعاس=ويسامرها خفوقي واعتبر هذا من احسانك
ليا من غبت عني زارني مندوبك الهوجاس=وارحب بالهجوس اللي تحدثّني عن السانك
اذا تدري بحبك من خلاله تجري الانفاس=على هذا حبيبي مستحيل يتم نسيانك
علامك تاسر احساسي وتحرمني من الاوناس=وانا ماسور كلي تحت جبروتك وسلطانك
نهار العيد يرضالك تخليني بدون احساس=بدل ما ازور جيراني نسيت وزرت جيرانك
كأنك ماخلقت الا على شاني من الاجناس=وانا والله ما كني خلقت الا على شانك
اذا عند الجميع اعظم سلام يكون حبة راس=انا محتاج احبك كل ساعه بين حجانك

والان قصيده لشاعر حبيب العازمي



سوق السوم للسوم والساس الفلوس = شوف المشتري ويش واشترى بالقروش

سلم واستلم سلم والسلم امحروس = شرط المشتري ماش به شي امغشوش

سافر والسفر سر اساسي للنفوس = شرف بالمشاريف واتشوف الوحوش

سر السبت بالسبت سابق وامغروس = شرٍ للبشر شايله شارون وبوش

سار السوء والسوء سنه للمجوس = شكله بشع والبشع تشغيل الخدوش

سد استاره والساده السايس يسوس = شرٍ للشريرين حواشٍ يحوش

سوسٍ للسنون افترس واخس سوس = شي شيب الشاب تشييب الرموش


ساد الروس رئيس وراسه ما يروس = شيشاني تشيكي تشابه بالدشوش

سيف السم بسم سامك وامغموس = شرر شذرته شارب الشرب الدهوش

ساعه بالسنه سببت اسواء ضروس = شرقٍ شب شعله وغاش الشرق غوش

سور السجن دنس اسيرٍ وامحبوس = شوه شكل الاشبال نقاش النقوش

سبار السخافه وتفسيخ اللبوس = شتمٍ للشرف والشرف شيخ امخدوش

ساهم يام ساهم بتسيير الهجوس = شاعر ماشعر لايناش ولاينوش

سالي بالمجالس وساحتنا عبوس = شاب الشوق والشاب ماحمش يهوش

سميت الاسامي وسميت العروس = شفي يالنشامه تموش الجيوش

والان الشاعر فيصل الرياحي




سامحينا يا ((0000 )) مابقى فينا مشاعر = التبلد في مشاعرنا غدى مثل الطبيعه

لويسيل الدم الاحمر والدموع امن المحاجر = لونشوف اعظم فجيعه مانسميها فجيعه

كلنا في 00 خانه اصبر 00 مثل سكان المقابر = والصبر نشقى بصيفه ويتعدانا ربيعه

من تقهقرفي تقهقر لانقاوم لانبادر = الله اكبر يازمان الذل والروس الخنيعه

نحكي ونضحك ونسخر نزحم البث المباشر = نذكر التاريخ يوم العز والروس الرفيعه

نلعب ونرقص ونبطر بالملاهي والمتاجر = مايهز قلوبنا زلزال الاحداث الشنيعه


صرنا للتاريخ معبر يمتطينا كل فاجر = صرنا في ذيل الامم بعد ماكنا بالطليعه

امتي ماعد تشعر حتى في طعن الخناجر = لويباع العز بتراب وحصى يمكن نبيعه

همنا ناكل ونسهر ونتباهى بالمظاهر = ونقضي الساعات في لهو القنوات الخليعه

عقلنا طاح وتدحدر مالنا فالمجد خاطر = الاكيف الفلم؟ والفنان ؟ واخبار المذيعه ؟

سامحينا (( 0000 )) مابقى فينا مشاعر = التبلد في مشاعرنا غدى مثل الطبيعه

سلام مني عد مايطلع النور = واعداد ماتمطر من الغيث غيمه

سلام من شاعر محنك ودكتور = دكتور في بدع اللحن والوسيمه

بابور فكري يطرب امواج وبحور = ويزفني بين البحور الطميمه

يابن فهد يامحكم الراي والشور = حكيم من روس الرجال الحكيمه

عبدالعزيز بطيب الفعل مذكور = الكل يدعي له عسى الله يديمه

عد الروى يصلونه ورورد وصدور = يروي الكبود الضاميات المحيمه

له مع رجال المعرفه والكرم دور = الاصل طيب والمواقف عظيمه

يامير لك في مهجتي قصر معمور = من دونكم ماشوف للعمر قيمه

واخلاصنا من ماضي الوقت مخبور = مخبور من ماضي العصور القديمه

يامير انا من فعل الانذال مقهور = تحريفهم للقول احسه جريمه

سمعت بين الاجهزه علم منكور = مايفعله من فيه غيره وشيمه

محرفين الصدق بالكذب والزور = اهل الحكايا والحقد والنميمه

يقولون شوفو واسمعو قول مستور = وهي علي من الظلايم ظليمه

احلف وانا ماني على الحلف مجبور = اني لكم مخلص بنيه سليمه

ياعل من خلفك في جنة الحور = في جنة الفردوس ينعم نعيمه