تصحيح قصة الوليعي مسلم

30 رمضان 1427هـ, 10:17 م

عضو جديد

تصحيح قصة الوليعي مسلم

قصة الوليعي (( مسلم ))

شهيد الحب العذري

هذه القصة والقصيدة لأحد أفراد قبيلة جهينة العريقة ......

تدور أحداث هذه القصة في الزمن الماضي أي ما يقارب الـ200 سنة .....أترككم مع القصة :

هذا واحد من ابناء الباديه من قبيلة جهينة _وأغلب الظن حسب ما سمعت من كبار السن إنه من ( المشاعلة ) من جهينة_

حول جبل رضوى شمال ينبع كان عمره 10 سنوات واسمه مسلم ولقب بعد القصه اللي صارت عليه بلقب

(( الوليعي مسلم)) لتولعه بمحبوبته .

وقصته انه كان يتيم وصغير بعمره وكانو ربعه باديه يربعون لين يوصلون الشفا بين تيما وحايل بوقت الربيع ثم

يرجعون لدياره وشاءت الاقدار بما انه يتيم انه يشتغل راعي

عند اقبيلة عنزه المجاوره لقبيلته وكانت تسرح معه بالبل بنت معزبه واسمها ظبيه وكانت اصغر منه بسنتين

وكانوا اطفال اذا حسبناها بوقتنا الحالي .

وكان يحب ظبيه وكل ما كبر يكبر حبها له لين اصبحوا في عز شبابهم لكن مايدري هل ظبيه تحبه والا لا فقرر انه

يسأل عجوز عنها قالت له انا مالك عندي علاج بس لك عندي خطه

والخطه هي انك تسوي نفسك مقروووص واللي يخاف عليك هو اللي راح يمص الدم عنك

وفعلا جا وسط البيوت وقام يصارخ ويسوي نفسه مقرووص وصاحو العرب يامن يمص له الدم ومع الصراخ تسللت

ظبيه مسرعه يوم شافت انه مسلم نقزت على ابهام رجله

وقامت تمص الدم فعرف انها تحبه

وراح للبل ولحقته ظبيه وكلمها بأمر الزواج وحبه لها سمعت اخت ظبيه الكلام وفزعت لابوها وقالت له ووصل الخبر

لعيال عمها فتوعدوه رجعت ظبيه وحست انهم دروا عنهم

رجعت لمسلم وقالت له اركب الذلول الفلاني وارجع لاهلك وحطت بخف الذلول ابره عشان يسرع

جو عيال عم ظبيه راكبين على الجيش ويحدون ويقولون مسلم لو مسكناه قطعنا كف يمناه

فركب على الذلول وراح لديرته برضوى ويوم وصل هناك كان له اخ من امه اسمه سويلم وكان هو اللي يداريه

ويعطف عليه .

لكن مسلم تغيرت حالته ولا يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله

ونحيل واخوه احتار بحالته وقرر انه يوديه لكاهنه عندهم قالت له

طلعه ضلع رضوى فووووق اذا كان عنده علم يبي يقوله لك واذا كان شاعر يبي يقول قصيده

وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له

يمد نظره على مسافه بعيده ويوم طلعو فوق قام سويلم وشب النار

وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه

يمكن يقول شي وراح عنه

قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنها

يشوف الطلحه اللي كانو ينامون عندها ويتخيل ظبيه وايامها معه

وتكلم بس تكلم بقصيده والقصيده على طرق الهلاليين وطرق الهلالليين معروف و تقول القصيده :

يقول الوليعي والوليعـي مسلّـممن دامت ايـام الصبـا لـه دام

.

لو إن عجـات الصبـا يجبرنـهكما يجبر الجابـر كسيـر عظـام

.

ليالي الهوى مثل الربيع ليا زهىوش حيلتـي مـا للربيـع مقـام

.

قاري قراني يوم قرصت بهامـيغروٍصغيـر مـا عليـه لـثـام

.

قراني وهو يسفح من الدمع ناظرهليتـه قرانـي والعيـون نـيـام

.

رقيت في رضوى ورضوى منيفهوأخيل في عيني جنـوب وشـام

.

أخيل في عينـي طلحـة ناعميـةسـلام يـادار الحبيـب ســلام

.

يامرتـع للنـوق تـوي لقيـتـهفي خشم و(علة) من يميـن ردام

.

ياليتنـي يـوم دنتنـي منيـتـيبديار (ظبية) عـن ديـار تهـام

.

أنا جيتكم من راس رضوى عشيّةكما شن غـربٍ بـاد منـه وذام

وهذا البيت الاخير قاله يوم نوى يرمي روحه من الجبل

احس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى

مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على

بدرره او شنه وركب الجمل اللي جا فيه مسلم من الديره اللي هو كان فيها وقال لازم اروح للمره اللي تسببت عليه

واشوفها

وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له

اسألك بالله راع القرون هذي حي والا ميت

قالها راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها

شهقت وماتت

رجع سويلم اخو مسلم لديرته وكان متأثر بقصة الهوى هذي فتهيض ببيتين يقول فيها :

والله ما لوم الوليعـي ولـو طـااحمن راس رضوى والعوض به عباته

.

مير اذهنوني عند هبـات الاريـااحلا ذب عمري ثـم اسـوي سواتـه

من مواضيعي :

≈ ذكــــــــــاء الإمام الشافعي .. رحمه الله
≈ تصحيح قصة الوليعي مسلم
≈ معجزات الكعبة المشرفة

1 شوال 1427هـ, 12:11 ص

سواااح

المشرف العام

مشاركة: تصحيح قصة الوليعي مسلم

أخوي فهد

سلمت على تعديلك للقصة

والقصة لها عدة روايات يدور مضمونها حول ما ذكرت

وسلّم الله يمناك

,؛,؛,؛,؛,؛,؛,؛,؛,؛,؛,؛,؛,؛,

((إدارة المنتدى ))
1- الالتزام بآداب الحديث والحوار وعدم التعرض للدين الإسلامي بالإساءة أو إلى أيّ من الأديان السماوية الأخرى.
2-عدم التعرض لأي شخص أو كتابة ما يتعارض مع القوانين المتعارف عليها رسمياً,أوالمساس بولاة الأمر .
3- لتقديم شكوى يجب مراسلة إدارة المنتدى أو عن طريق كتابة موضوع في قسم الشكاوي والاقتراحات.
4- يمنع منعاً باتاً التدخل في شؤون إدارة المنتدى ،وإن مشرفين المنتدى والإداريين لديهم حق حذف، أو مسح ، أو تعديل ، أو إغلاق أي موضوع لأي سبب يرونهوليسوا ملزمين بإعلانه.
5- في حالة رغبتك في وضع صورة في خانة التوقيع الخاصة بك فيجب التقيد باستخدام صورة واحدة فقط .
6-عدم وضع صور غير لائقة في التواقيع أو الصور الرمزية أو الشخصية وخصوصاً الصور النسائية ,وسيتم حذف الصور المخالفة.
7- إن مشرفي وإداريي منتديات شبكة جهينة بالرغم من محاولتهم منع جميع المشاركات المخالفة ، فإنه ليس بوسعهم استعراض جميع المشاركات. وجميع المواضيع تعبر عن وجهة نظر كاتبها .
ولا يتحمل أي من إدارة منتديات شبكة جهينة أي مسؤولية عن مضامين المشاركات.
((أشكرك لأنك قرأت الشروط ... وكذلك لأنك تعي ما تقرأ ))

من مواضيعي :

≈ الوثائق النبوية لجهينة
≈ من أجل الوطن...........!
≈ بمناسبة الإجازة الصيفيّة..أقدم لكم هذا الإهداء
≈ للطلاب فقط...حول الإختبارات..والمذاكرة..وأمور أخرى تهم الطالب.>>
≈ موطن قضاعة الأول ...ونسب جهينة

2 شوال 1427هـ, 12:49 م

فهد العميشي

عضو جديد

مشاركة: تصحيح قصة الوليعي مسلم

أخي سواااح
مضمون القصة وأحد ولكن الرجل من المشاعلة من جهينة وبالرجوع لكبار السن من سكان ينبع النخل الجميع متفق على أنه من المشاعلة ولم يذكر شخص واحد أنه من غير المشاعلة
آمل منك تصحيح المعلومة وتقبل كل أحترامي وكل عام وأنت واعضاء منتديات جهينة نت بألف خير

من مواضيعي :

≈ ذكــــــــــاء الإمام الشافعي .. رحمه الله
≈ تصحيح قصة الوليعي مسلم
≈ معجزات الكعبة المشرفة

3 شوال 1427هـ, 07:08 م

لجهينه بنت

عضو جديد

مشاركة: تصحيح قصة الوليعي مسلم

وش الدليل انه من المشاعله

جبل رضوى ديرة الوليعي وبالاكيد ماهي ديرة المشاعله

انا اعتقد انه من الكتنه لانها ديرتهم

كم تمنيت يكون الوليعي من ارفاعه لكن عزاي انه جهني بنا للحب قصه وقصيده منبعها حب طاهر عفيف

ما بي جرح..ولا بي خوف..ولا بي أحزان
ابي موقف ابي كلمة تهز أوطان
ابي انسان إذا طحت من طولي
يفز ويسند حمولي
يحس فيني قبل لا اشكي
يواسيني قبل لا ابكي
ومن قلبه اذا حنيت الاقي بداخله احضان

.." دخيل الله ابي انسان "..

من مواضيعي :

≈ §¤~¤§¤~¤§حنـــــان الأم يزيــد من ذكـــاء الطـــــفل§¤~¤§¤~¤§
≈ بنت جهينه جاتكم مع هلال العيد

7 شوال 1427هـ, 12:08 ص

ذيب الجهني

ذيب جهينه

مشاركة: تصحيح قصة الوليعي مسلم

مضمون القصة وأحد ولكن الرجل من المشاعلة من جهينة وبالرجوع لكبار السن من سكان ينبع النخل الجميع متفق على أنه من المشاعلة ولم يذكر شخص واحد أنه من غير المشاعلة
آمل منك تصحيح المعلومة وتقبل كل أحترامي وكل عام وأنت واعضاء منتديات جهينة نت بألف خير
بيض الله وجهك
صحيح القصه لرجل من المشاعله من جهينه لان رضوى ديرت المشاعله حسب المراجع وروات القصه من كبار السن من الجهنان والله اعلم

من مواضيعي :

≈ (محمد السناني و تركي الميزاني ) أنا لو أوحيت بيت من بيوتك ماتعب التفكير
≈ محاورة الطياره ( السناني + الرياحي + العصيمي + العازمي )
≈ تركي السناني و د. العصيمي
≈ قصة مهل الرياحي ونجره ((منادي))
≈ بروق تلالا .. لأمير الشعر الغزلي

11 شوال 1427هـ, 02:42 ص

طارق العروي

عضو فعال

مشاركة: تصحيح قصة الوليعي مسلم

ابو فنك ياشيخ مشكور على القصه صراحه قصه محترمه مع انها فيها فضايحبس مشي حالك 000000 لكن يعطيك الف الف عافيه اخوي العميشي تقبل تحياتي اخوك:
messi 19

من مواضيعي :

≈ الأجور العظيمه
≈ اللهم احفظ اعراضنا واعراض المسلمين
≈ درر من كلام السلف
≈ احفظ القران اثناء نومك
≈ قصة الرغيف (قصه عجيبه)

1 محرم 1428هـ, 01:21 م

صقر ذبيان

عضو جديد

مشاركة: تصحيح قصة الوليعي مسلم

اخوي مع احترامي لك لتصحيح القصه اتمنى قراءة الكتاب (( الأدب الحجازي )) للكاتب / منديل الفهيد .. أو حمد الجاسر

ومع اني من مواليد ينبع النخل لم اسمع مطلقاً نسبة مسلم للمشاعله غير ان بعض الكبار في السن من قبيلة المشاعله ينفون نسبتة مسلم للمشاعله ,,,,, واتمنى ان تكون هناك ادله مقنعه لتصحيح لتؤخذ في الاعتبااار ,,,,,,,,
ولك خالص الشكر

من مواضيعي :

≈ للبنات فقط !!!!
≈ برنامج الفوتوشوب 8 عربي + السيريل

9 محرم 1428هـ, 03:27 ص

ذيـــب رداد

عضو جديد

مشاركة: تصحيح قصة الوليعي مسلم

الله الله

والله قصيــدهـ وقصــه جبـآرهـ

تسلمـ يا عزيزي
وعـ،،،ـآآآك ع القــــووهـ

من مواضيعي :

≈ حـرب وجهيـنة في الحكم العثمـآني
≈ العلاقات الطيبة بين جهينة وحرب .

الشبل

عضو متميز

مشاركة: تصحيح قصة الوليعي مسلم

يا جماعة وش بيصير ولو كان مشعلي ولا كتني ولاحبيشي ولا حتى نزاوي
الله يرحمه ويغفر له ويحسن اليه كلهم واحد (جهينة)
مع التحية

من مواضيعي :

≈ الشيخ سليمان النزاوي
≈ حديث سبرة الجهني عن رفاعة من جهينة
≈ بلغنا الله وياكم الشهر الكريم
≈ أسباب الرزق
≈ من العايدين (لا تفوتكم الصورة)

النمط الخطي

لا بإمكانك إضافة موضوع جديد

لا بإمكانك إضافة مشاركات جديدة

لا بإمكانك إضافة مرفقات

لا بإمكانك تعديل مشاركاتك

كود في بي vB متاح

كود [IMG] متاح

كود HTML غير متاح

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر