السناني والقحطاني

ابــــــن شـــايـــق:

عزالله ان السنانـي طبـق السنـه
عسى سمي النبي لا مات فالجنـه
وسهيـل لا مربعانيـه ولا كـنـه
يالحا يوما حي يملا حي ياليحانـي

السناني كلمـا هـب الهـوى قـام وتـوزا = وان وقف فوق الجبل لف الهوى ثوبه ودزه

فيه مـوالٍ صريـح وفيـه مـوال يتهـزا = الصريح انقدمه واخوه لـه ساعـه وحـزه


الـــســـنـــانــــي:

انا اشهد اني لقيت الشيخ عبـد الله
بصدور قحطان بسم الله ما شـاالله
حجو عنه عام واحد في سبيـل الله
يالحا يوما حي يملا حي ياليحانـي

السناني ضلـع راسـي مايميـل ولا يهـزا = ماشي الدرب العزيز وماشي درب المعـزه

كل قلب اليا سمـع موالـك المذكـور فـزا = انتبـه لقلوبهـم لا تفـز وتـرّوح لـغـزه

ابــــــن شـــايـــق:

اعلومك مصلحه يا شاعر جهينـه
ماتدري ابن شايـق حـد سكينـه
واللي ضربنا على خشمه بكت عينه
يالحا يوما حي يملا حي ياليحانـي

لا تضيعهـا تضيـع ولا تجزيهـا تـجـزاوابن شايق لو تولع جمرتك ما احرقت رزه

الشعر ذا الوقت يامحمد بذا المنظـر يعـزا = روح للي معك قبل البارحـه قلـه وعـزه

الـــســـنـــانــــي:

اعلومنا طيبه وانته تـراك اطيـب
حديت سكين وانا سيفـي مذهـب
والسيف للروس والسكين للحبحـب
يالحا يوما حي يملا حي ياليحانـي

انته الليله يابـن شايـق تقـز الارض قـزا = والنفوس الطيبـه ماهـي سـواة المشمئـزه

لا علم يمكن يطيح ولا علـم يمكـن يـرزا = لا قلا قنعت انس القصيد وحط لك دله وجزه

ابــــــن شـــايـــق:

والله ما نبغى على الشوكه نسحبكم
لا شك هذه يابو تركي سبايبكـم
سيفك لراسي وسكينـي لحبحبكـم
يالحا يوما حي يملا حي ياليحانـي

والله انها مشكله ياميم عقب القـاف والـزا = ابن شايق يستفزك وانـت تبغـى تستفـزه