محمد السناني وسعيد القحطاني

سعيد الفهري


ياهاجس ٍ مثل موج البحر في صدري= بالطيب والشعر الأصلي رافعٍ قدري
أقولها والفهيم من العرب يدري=واللي يدور لها لابد يلقاها


مرحبا ياولد متروك راعي الحجاز=عد ما طافت الحجاج بإحرامها
من لا يتبع كتاب الله ونهج بن باااز=ست شوال لا افطرها ولا صامها


محمد السناني



ياهاجسي من هجوسي لا تصرفني =لاجيت قحطان موقفهم يشرفني
والطيبة عند أهلها ما تكلفني=واللي يدور لها لا بد يلقاها


ألبقا فيك ياراعي البيوت العزاز=ردةٍ والفرج والخير قدامها
الشريعة موثقها عن الاهتزاز=سيد ألامه اللي ثبت أقسامها


سعيد الفهري



شبيتوا الفتنة الحمراء وجمرتها = وتركتوا النعمة الزينة وطفرتها
يا لين ثارت بك الأرض وحرارتها=واللي يدور لها لا بد يلقاها


لا تحذف منازلنا وبيتك قزاز=لين تعرف فخر قحطان وأعلامها
وردت شركة النيسان بأحدث طراز= بس ما طورت ددسن وصدامها


محمد السناني



الرجل يبعد عن الشكات والريبة =الرجل عقله براسه ماهو بجيبه
وانته تحدث حديثٍ ما أنت داريبه= واللي يدور لها لابد يلقاها


ما التفت للمحرم والتفت للمجاز=وأنت يمناك وش بك تقطع إبهامها
وردت شركة اليابان صاروخ غاز= والعرب كل ساعة ترجف عظامها


سعيد الفهري



اللي يخاوي الشقا ما يعرف الراحة= لا تحسب انك محصل شي في راحة
يا جهينة العيص راح الحر بجناحه= واللي يدور لها لابد يلقاها


أنت لو تمشي بسرعة كشفك الجهاز=لا تقتل نفوسٍ تعرف إسلامها
منهو اللي بعلم الطيب والعقل فاز= غير من ينصر ألدوله وحكامها


محمد السناني



يكون عندك ما لي بها حاجه = كلٍ يبي يستوي قرصه على صاجه
الظاهر انك تولف هرج هراجه =واللي يدور لها لا بد يلقاها


ابن فهره سعيد يدور الامتياز=مير أظن الجماعة كثرت أرقامها
لا يعنيك كان الساس ماهو عزاز= القصور الكبار يجيك هدامها


سعيد الفهري


أنا بعيدٍ عن التلفيق والشكة =مسلم واصلي وأطوف البيت في مكة
لكن بيطول ليلك ما معك فكة = واللي يدور لها لابد يلقاها

ابن مفلح بناء بيته على أقوى ارتكاز=يوم بعض اللحى ماتبغي إكرامها