الـــســـنـــانـــي
هل الطايف عرب منهم تسلسل يوسف الحاجاج *** نشرله في بلاد الرافدين ابيـات مشهـوره
رشيد الله يبـارك فيـه ماحصلهـا مخـراج *** وصاحبنا دخيل مافرق بالاصـل والصـوره
الــــــزلامــــــي
طردنا يوسف الحجاج وانته تبغـي المنهـاج *** بعد ساعه يبي يضحك عليك مشجع الكـوره
تعبنا يالسناني مـا لقينـا للمريـض عـلاج *** اثر بعض المرض يتعب دمرجيـه ودكتـوره
الـــســـنـــانـــي
ترى التاريخ فيه اثبات ماهو هرجة الهـراج *** وأضنك ما دخلته غير بعد عيال اخو نـوره
منول يالزلامي في يداك الوضع مـا يحتـاج *** وهالحينه وراك تدور مستشفـى وشرشـوره
الــــــزلامــــــي
ترى التاريخ واضح في زمان الفتح والمعراج *** أخذنـا حقنـا وانتـم بعـد يبغالـكـم دوره
تهاوشتوا على مغراف فول وخبزتن في صاج *** عجز يقنعكم الشيخ الكبير ومجلـس الشـوره
الـــســـنـــانـــي
كفو ياصحابنا قـدام ذاك الخـط مـا ينعـاج *** وهالحينه من البحر الحمـر ينبـل حنجـوره
حضرت الهوشه الكبرى وقمت تراقب الابراج *** لكن شوري عليك تخلي الاوضـاع مستـوره
الــــــزلامــــــي
عسى ربي يعز الشمعه اللي نورهـا وهـاج *** ويعين اللي من البحر الحمر مدلك ماصـوره
مدام البر جاك من اليمن والتمـر بالافـلاج *** لا تطمع في هذيك الصره اللي عنك مصروره
الــــــزلامــــــي
على كلمتك هذي مستحقـن نجمتيـن وتـاج *** لكن تقص روس النـاس لواعطـوك دبـوره
انا والله مبيلك بين خلـق الله غثـا واحـراج *** لكن انته حدى الركاب والاحـوال مستـوره
محمد السناني و رشيد الزلامي
محمد السناني و رشيد الزلامي 
النمط الخطي
