ياصحاب الذوق الرفيع والمعاني .. ادخلو فلن تندموا

صـــيـــاف




الليل يا قلب الزلامي واعرف أرضك من سماك =يمكن تجي وتـروح لاراضـي ولا زعلانيـه
ماخافو العربان من سيفك ولا خافـو عصـاك = خل العصـا فالليـل وتحامـي بهـا الديبانيـه




رشـــيـــد




ياذيب ياللي في توال الليل هيضني عـواك = من جوع ولامشعر بالخوف يـا سرحانيـه
ان كان ما ودّك بسيفي خل صوتك في سماك= وليا نغزك ابليس شفنا لـك سهـوم ثانيـه




صـــيـــاف




ازعلني اللي راح قدامـك وخليتـه وراك = أثر معك كبدٍ تشيـل طويـق والصمانيـه
مدري معك جني يشب النار ولا وش بلاك = اتزعل الراعي لو إنـه علـم الرعيانيـه




رشـــيـــد




إزعل زعل حربي ولا تنشد عتيبه عن رضاك= يرضونك اللي يزرعون الخـوخ والرمانيـه
انته رحلت من المدينه يوم ربـي مـا هـداك = تشـد مـن دار النبـي وتجـاور الهتمانيـه




صـــيـــاف




الظاهر انك عقب ليله وحّده تطوي رشاك = وتشدّ من ركبه وتنزل باوسط الضلعانيـه
ياثلب ما نسمع هديرك ما سمعنا الا رغاك = واهل المدينه قفّلوا مـن دونهـا البيبانيـه




رشـــيـــد




حنا ليا منا كحلنا العين ما نقصـد عمـاكنبيك =تسرح مع طريق الطير ابو جنحانيه
الله منعنا ماعطانا وانت مدري وش عطاك = مدري سمعنا ما سمعنا والعـرب كذبانيـه




صـــيـــاف




لولاك غالي كان طلّعنا سنونك من جمـاك = واللي يشوفك يحسب انك من حد الورعانيه
ليا عطانا الله كتاب الطيـب فصّلنـا دواك = اظـن قلبـك ينتبـه وتخلّـص الديّانيـه




رشـــيـــد




حرام قتلك يوم اشوفك تنثنـي دون اخويـاك = والمنثني يـوم الهزيمـه فـارس الفرسانيـه
حذراك تجبرني على الوعرات لين العن ثواك = بحضور قاض المحكمه نفرشك فرش الزانيه




صـــيـــاف




صياف ماهو حبةٍ فالجيب تطحنها رحاك = نعرفك عرفٍ زين قبل تجرد الذرعانيـه
جاتك عجوز ماعره حطت لبنها فوق ماك = ومن الزعل شلت الهدوم وجيتنا عريانيه