هذه المحاورة جرت في رحاب جامعة ألمللك سعود بالرياض عام 1404هـ ضمن فعاليات موسمها الثقافي الشعبي بين الشاعرين ( الجبرتي & الزلامي ) والجبرتي شعر ذو تاريخ حاف وغني عن التعريف رحمة الله عليه ورشيد الزلامي شاعر مشهور، معانيه رفيعة وأبياته محكمه
وهذا بعض مما دار بهذه المحاورة:
الجبرتي
سلام رديه لها شيمه وقيمه واحترام=
ردية من هاجس مثل القمر فأول شهــــــــــر
والليلة المعنى مع الشعار يمشي بالنظام=
واللي يبي النور الخضر واللي يبي النور الحمر
رشيد الزلامي
يا مرحبا ترحيب تكفيك عن شرب وطعام=
أحيان قطف من ثمر وأحيان ضرب من حجر
والليلة المعنى جمل وانته على وسقه سنام=
واللي حضر فالملعبه يعلم اللي ما حضــــــــر
الجبرتي
حنا بنسري بالجمل بالسّوق وألا بالخطام=
وأنا شدادي لازم الضلعين من فوق الظهر
حنا ليا غبنا لكم فرصه وضحكه وابتسام=
وإذا حضرنا خش جوف الغار يالذيب الحمر
رشيد الزلامي
يابن شريف لا ذعرك الملح كفيّت اليدام=
عيت يدين القوم لا تعّدلك يالعّود العجر
ما ني بخاطب بنتك اللي خشمها ماله أزمام=
أصحابها زيد وعمر دور لها زيد وعمر
الجبرتي
لا تحسب إن العلم يالرداد عام مثل عام=
الليله النجار بالمنشار في عود العشر
حنا ترانا يا عميل الخير ما نكل حرام=
نمشي على درب الأثر والعين يقديها النظر
رشيد الزلامي
انته تجاهد فالصلاه ولا تجاهد فالصيام=
ولو أني اكفر فيك قلت أول عتيبيً كفر
.............................................
.............................................
الجبرتي
إذا كفرت الله يمّنا لا كلام ولا سلام=
اظهر من الإسلام فالبابور واخرج للبحر
تلقى ولد عمك يصفق لك وعمتك .........=
واللي إذا شافوك كنك عندهم نطفة مطر
أتمنى أن تنال هذه المحاورة على استحسانكم مع تقديم اعتذاري عن ذكر بعض الكلمات التي قيلت من قبل الشعار نظراً لصعوبة ذكرها
ولو أني اكفر فيك قلت أول عتيبيً كفر
ولو أني اكفر فيك قلت أول عتيبيً كفر 
النمط الخطي
