محاوره بين عود وبنت

6 رمضان 1427هـ, 12:12 ص

جهني مفتخر بربعي

مشرف منتدى المحاوره

إرسال رسالة عبر MSN إلى جهني مفتخر بربعي

آخر وسام للعضو

وسام جهينه لخدمه القبيله

محاوره بين عود وبنت

السلام عليكم ورحمة الله وبركاته

هذه محاوره قديمة بين فتاه وعجوز في الثمانين من عمره

اتمنى تعجبكم

بدايه القصه عن شايب اسمه حمدان وهواوي ( قلبه خضر ) ما يشوف بنت الا ينفتن ومشهور بانه حبيب .

فيه بنت ملكعه وصاحبة مقالب قالت في نفسها انا ليه ما اروح للشايب وامزح معه واضحكه شوي واشوف ردة فعله

كيف تكون .

راحت له وردت عليه السلام كيف حالك يا شايب رد السلام والله بخير الله يعافيتس

وفجأه عطته ظهرها ومشت ولا استإذان ولا شي

ولع الشايب من حركتها قال فيها كم بيت يستعطفها فيها ويقول انها ذكرته الماضي و اذا ما عطيتيني وجه لحقت

باخوي حمود اللي في قبره ويذكر التاريخ واليوم اللي قابلها فيه

يقول الشايب :

يا بنت خوذي خاطري وارحميني

لا تجرحين العود بعيونك السـود

غضي نظرك وغطي الوجنتينـي

لعل يومٍ جدد الجرح مـا يعـود

يوم انتهى مع مرمسات السنينـي

جتني صواديفه على غير مقصود

باول شهر عشره نهـار الثنينـي

حمدان مروا به على جنازة حمود

البنت كانت تقصد من استفزازه انها تجاريه في الشعر وترد عليه والمسكين ما كان يدري انها شاعره وعلى باله ما خذ

راحته في التغزل

ردت عليه وهزأته تقول

يا شايب الرحمن وينـك ووينـي

عزي لحالك قدمك الباب مسـدود

قلبك عطوف وجاه قلـبٍ متينـي

والبنت ما تشفق على مغازل العود

حبل الرجا مقطوع بينـك وبينـي

مثل الغليث اللي رعا قلبه الـدود

اقفى شبابـك والعـرب مقبلينـي

يا عود ما يرجع من العمر مفقود

حطمته يوم قالت له انك عود وان الشباب ما يرجع وان ما فيه امل تعطيه وجه حس العود انه تورط وقال كم بيت يقول لها

صدي عني انه ما يبي الغزل بعد ما وصل عمره ثمانين سنه

يقول حمدان :

يا بنت صدي بالعيـون الظليلـه

لا صد عنـك الله نهـار القيامـه

مالي ومالـك يالفـروع الطويلـه

لو فيك من رسم البـداوه علامـه

يابنت مـا لـي بالثمانيـن حيلـه

اهدف كما تهدف على البير قامـه

اقفى شبابي والدهر شفـت ميلـه

يالله حسـن الخاتمـه والسلامـه

اعطيك موجز والبضاعـه قليلـه

واخذت لك من صافي الماء سنامه

راحت الايام والشايب مسكين سنه خذله معها شايب وهي بنت وتقول له كيف اعطي شايب وجه

بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين لها في كم بيت انها

بتشيب مثلي واني رجال طيب وان الناس تنصاني ومعروف بالكرم واني ما ابي منها غير التحيه والترحيب

يقول حمدان

يا بنت ما جاتس الكبر والخشونـه

وعادت شباب اليوم يجفل من الشيب

ياسرع ما وبلـك تمـزع مزونـه

يالفاتنه يـا ام الثمـان الرعابيـب

يا بنت مـا بينـي وبينـك مهونـه

كلمة شرف نبي تحيـه وترحيـب

الله مـن عـودٍ ثقيـلـه طنـونـه

ينصاه راع المشكلـه والمواجيـب

على الكرم والديـن نفسـه حنونـه

تلقاه بالاجـواد شـرق وتغاريـب

جهز الابيات وارسلها مع عجوز ووعد العجوز بهديه اذا وصلت الرساله لها

راحت العجوز وعطت البنت الابيات شافتها البنت وقفلت على العجوز في غرفه وقالت مثل ما جيتي بابياته

ترجعين له بابياتي العجوز مسكينه قالت طلعيني ولا ابي منكم شي الله لا يعودكم انتم واوراقكم

ردت البنت ابيات اقوى من الاولى واكثر تحطيم مسكين الشايب ما احد رحمه حتى لو حاول يستعطف

تقول البنت

العود عود وطايحـاتٍ سنونـه

من كثر ما يرقد على جرة الذيب

عودٍ مهرقل والعرب ما يبونـه

ياعود ما لك في طويل المراقيب

اقفى شباب العود راحت حتونه

مثل اليتيم اللي بكا ما له مجيب

جداه ينثر دمعة ٍ مـن عيونـه

غريق موجٍ ما لقا له مقاضيـب

هذي قصة العود والبنت وسلامتكم وتحياتي للجميع

من مواضيعي :

≈ شيلة الشاعر عبدالعزيز العازمي
≈ رباعية قوية (بن عياد& بن عتقان ) و (سفر& عواض)
≈ محاوره بالقاعة الماسية
≈ من المؤيد في فتح منتدى المحاورات بين الاعضاء فل يسجل اسمه
≈ سفر الدغيلبي و تركي 20000 في الطايف

قوانين المشاركة

لا بإمكانك إضافة موضوع جديد

لا بإمكانك إضافة مشاركات جديدة

لا بإمكانك إضافة مرفقات

لا بإمكانك تعديل مشاركاتك

كود في بي vB متاح

الابتسامات متاح

كود [IMG] متاح

كود HTML غير متاح

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر