هجاء ددســـن ( اهداء للمسعدي )

يا ددسني جرتي علي والزمن جار = صبرك علي لا ما تزين الليالي

لا تطلبين غيار الاسعار بالنار = مانتي كفو للي جديد وغالي

حسابي غدا باسباب تصليحك اصفار = راح المعاش لجامعين الريالي

انتي كبيره سن واوجاعك كثار = والخافي اعظم من كثير بدالي

تمشين بالصحرا والا مع القار = لك قرقشه مع قرقعه واجتوالي

الناس تفرح بالرعد قبل الامطار = وانا اتضايق لا لمحت الخيالي

كم مرتن ما اضن نرجع على الدار = لولا النشامى مجهزين الحبالي

لا بد من يوم نبدل بفكس - آر = وانتي بعد تلقين مثلك بدالي

ما يقبلك غيري وعلام الاسرار = الا فقير حالته مثل حالي