كـــــلهــــااسبــــــاب حظـــــــي

ياالسنين الطويلة وش بقى من عذابي=

وش بقى في حياتي من فرح وش بقى ؟

دامني كل هماً في حياتي سرى بي=

ودام ربي حرمني من حنان اللقاء

علميني وش المقبل بصفحة كتابي=

هي سعادات لي ولاحياة شقاء

كل ماراح من عمري ونشوة شبابي=

كلها عشتها والله حياة محقاء

عشتها كلها هم بقلباً مصابي=

قلب يبحث عن الفرحة لكن مالقاء

وباقي العمر عشته في قهر واكتئابي=

والسهر والتعب صارو لي احلى عشقاء

عشت معهم خمس عشرة سنه بالحسابي=

لين صرنا على ماقيل اوفى صدقاء

اسأل الليل عني مايرد الجوابي=

بس اشوفه يقول اصبر على مابقاء

بس انا كيف ابا اصبر والصبر مارضى بي=

وان جبرته لمكنون الحشى يحرقاء

ويش اسوي بوقت باع بي واشترى بي=

صرت بالوقت لامعلق ولامطلقاء

ادعي الموت ليت الموت لي استجابي=

يمكن ان مت هم الوقت بي يرفقاء

لكن عيا يجيبني الموت وانسد بابي=

ولابقي باالمواجه كثر ماباالتقاء

عفت وافلست من قوتي ونكهة شرابي=

والفرح لاطرالي بالعذاب اتقاء

كلها اسباب حظاً باالمشاكل رمابي =

حظ دايم مثل حظي ماعمره رقاء

لكن ياحظ رايح معك اصفي حسابي =

وموعد الحي ياحظ القهر يلتقاء

قسم بالله لاذكرك جرحاً سطى بي=

انت منته بحظ انته ملم الشقاء