نمر درعا ثم دمشق وسطها نفرفر شوية&من البرامكه لين برزه ربي يسترلي علاها

يا احمد محمد مشينا وخل امورك داخليه=
حطها بين الضلوع العوج لاتبيح خفاها
لوكان منته بالخوي الي ايتنومس به خويه =
طرقتآ فيها انتخاوى مانويت امشي معاها
بس اعرفك ذئبآ اشعل تلتهب كلك حميه=
الطناخه والرجوله بك تعلى مستواها
قش عفشك واركب البي أم في حد المسيه=
وادري ان الخط علة بس موترنا دواها
وعقب ماغير زيوته ثم افلل تانكيه=
من المدينه لين خيبر ساعة اتحدد مداها
وان مسك خط العشاش تقال يلعب سامريه=
مايقص اللفه الا بشوق يعرف وش وراها
انمر تيما والقليبه وساسكو بدربالمطية=
ثم نفرق لابو عجرم والديار الي حواها
مع طبرجل والقريات بديار اهل الحمية=
وبعدها حد الحديثه ديرة لزوم انغشاها
نختم الدفتر ونعبر للديار الهاشمية=
نمر الازرق بعدها الزرقا وحدجابر وراها
نسجل خروج ودخول الشام والوقت اظحويه=
اديار ناسآ ماتصك فويهها غير اتحشاها
ونمر درعا ثم دمشق وسطها نفرفر شوية=
من البرامكه لين برزه ربي يسترلي علاها
وبعدها نطلع شمال بخاطرآ مافيه زية=
لين ناصل للحدود وثم نسلم من غثاها
وانعبر للديار ناسآ ماتعرف المكرهية=
انفوسهم من دون بلصة تبتسملك من رظاها
من جبل لبنان لشتورة ياويش ابها البهية=
ابك هاذي ديرتآ تنعشك في نسمة هواها
وان دخلنافي وسط بيروت ماتشوف الاذية=
ناس محترمه بعضها من خلاها في خلاها
ثم نمر السولدير الين قبل المغربية=
بعدها امش لجونية شوف الطبيعة وش حلاها
الماء والخضره مع الوجه الحسن كله هنيه=
وايضآ الفتوش والحمص ومعها مامعاها
واشرب من القهوة التركي مابه شاذلية=
حمست ايدين الهنوف الي تهزع في اخطاها
مع صحن بقلاوة اطلق من تمور السكرية=
احتوت طعم الحلا الي من حلا الطعم احتواها