الممرضة السعودية بين الرفض والتاييد

أولا .. أسعد الله أوقاتك بكل خير ..



موضوع رائع .. ويستحق النقاش .. ويستاهل التميـــز ..



أنا راح أجـــاوب على أسئلتك .. وأتمنى إني أوفق ..





1- ماريك في مهنة التمريض بالنسبة للفتاة السعودية ؟؟



مهنــه زيها زي أي مهنه .. وبالعكس .. بنظري باتت مهمه في الوقت الحالي ..



لعدة أسباب ..



الفتاه السعودية أثبتت تميزها عن غيرها بإحترامها وبتفوقها ..



هي المهنه الوحيده اللي ممكن نقول بأنها مضمونه بإذن الله .. من ناحية التعيين ..



وبعدين .. السبب الوحيد برفض واستنكار الجميع أو الاغلبيه لمهنة التمريض هي انها اختلاط ..



ناسين ان من شب على شيء .. شاب عليه ..



دام الأهل مربين بنتهم .. ليش يخافون عليها ويخافون من نتائج الإختلاط ..


وللأسف .. نظرة الناس مازالت دونيه للي تشتغل بهاذي المهنه .. على الرغم من انهم يحتاجونها ..





2- هل انت من المؤيدين للمهنة او الرافضين مع ذكر الاسباب ؟؟



100 % مؤيـــدهـ ..





3- هل مهنة التمريض هي المهنة المناسبة للمرأة السعودية ؟؟



قد تكون فيها بعض الصعوبات .. ولكن لا ننكر بأن السعودية نجحت بهذا المجال ..



وبالوقت الحالي أعطيني أي مهنه أخرى ماتخلو من الصعوبات ..؟؟؟


حتى التدريس اللي كانوا شادين فيه الظهر .. الحين صار تعيينهم بمناطق بعيده .. تحطم كل الآمال ..





4- هل تستطيع الممرضة التوفيق بين بيتها وعملها بالشكل المطلوب ؟؟



من خلال مخالطتــي للمتزوجات بهذا المجال .. أرى بأنها تستطيع .. بشرط أن يكون الــرجل متفهم ..



وبالنسبة للدوام .. بالمستشفيات نظام شفتات .. والأولويه للسعودية .. يعني تخيلي مدراء الأقسام يخلون جدول السعودية نهاري .. بينما الموظفات الأجانب يعطونهم الشفتات الصعبه ..



وبالنسبه للمراكز نظامها موحد .. من 8 الى 4 العصر ..




5- ماهي معاناة الممرضة السعودية التي تواجهها في مجتمعنا السعودي ؟؟


حدث ولا حرج .....


مازالت عقولهم قاصره عن الفهم الصحيح ..


ولما تسألينهم .. وش فيه التمريض ..


قالوا لك التدريس أحسن .. لإن التمريض ممكن يكون دوامك بأخر الليل .....!!


طيب .. الزمن تغير .. والحياه متطلباتها كثيــره ..


لازم يكون فيه نوع من الجهاد .. ولا عمرنا ماراح نتطور ..!!



ثم بعدين أبسألك .. ليش الناس لما تقولين لهم أبدخل طب قالوا ماشاء الله .. وإذا قلتي تمريض قالوا ليش ..؟؟؟!!



مو كلها صحه .... وكلها اختـــلاط ويمكن الطب اكثــر !!



الفهم الخطأ للهمنه هو اللي مرجعنا ورى .. وأنا ماأنكر انه في ناس أساءت للمهنه بشكل كبير ..



لكن أعطي الثقه لمن حولك .. وهم بالتأكيد قدها ..



\
/
\
/
\
/



يمكن ماتكلمت بشكل وافي .. لكن هي مجرد وجهة نظر ..



وصدقيني .. دعاء مريض خففتي عنه يسوى كـلام الجماعه كلها ..



وأهم شيء مستقبل البني آدم .. مايهمني نظرة الناس لي اذا بكره محد صارف علي ..!



;
;
;


يبقى كلامي مجرد وجهة نظر ..!



طــرح أكثر من رائع ..



تقبلي تحيـــاتي ..