من أجل الوطن...........!

السلام ولا سهـى القلـب عـن ذكـر الالـه= ربنـا اللـي نـزّل اقـرا و عـلّـم بالقـلـم
جل شانه في جلالـه .. تبـارك فـي عـلاه= منفـرد بالغيـب يعلـم ولا غـيـره عـلـم
نسأله عفوه و لطفه .. صمد ما احـدٍ سـواه= صوّر الانسـان وانشـأ وجـوده مـن عـدم
نطلبه الجنـة و نرجيـه مـن النـار النجـاة=فـي نهـارٍ فيـه خصـمٍ اذا خاصـم خصـم
فوق عرشه مطّلـع يستجيـب لمـن دعـاه= ناصر المظلوم .. منـزل عقوبـة مـن ظلـم
القمر خمسـة عشـر مستهـلٍ فـي سمـاه= فـي جمالـه فـي كمالـه تهلـل و ابتسـم
و الوطن بايـدي امينـة تربّـت فـي حمـاه= ذخـر فتّـاك الركايـب اليـا ازبـد و التطـم
البطل يذكـر و يشكـر علـى سعـيٍ سعـاه= بالعزيمة جاب مـا غـاب يـوم انـه عـزم
اعلـن الوحـدة بيـومٍ ملـى الدنيـا صـداه =رُسمت الخطّـة علـى عيـن رسّـامٍ رسـم
ثبّت المبنى علـى سـاس يرحـم مـن بنـاه= صرح شامخ ما تزعـزع كيـان ولا انقسـم
المؤسس مـن نشـد عنـه تكفيـه الـرواة= واسأل التاريخ و الوسم و أسم اللـي وسـم
استرحنـا تحـت امانـه و نمنـا فــي ذراه= تو ذقنـا العافيـة .. تـو مـا ارتـد النسـم
البشير يجيب بشـرى و يفـرح مـن نصـاه= ابشـروا بالخيـر و الشـر ولّـى و انهـزم
الوطن عهدة فهد ما مشـى الوالـد .. مشـاه =حـارسٍ مامـون دون المحـارم و الـحـرم
لـه علينـا مبايـعـة و الــولاء والله ولاه= مـن وفـى بالعهـد للفهـد والله مـا نـدم
يـوم جنـدنـا المـبـدا رفـيـعٍ مسـتـواه =نخـدم الاسـلام و لخـادم الكعـبـة خــدم
مرخص الغالـي لشعبـه وهـذا مـن وفـاه= رافع المبنـى للاوطـان .. يبنـي مـا هـدم
مكرمٍ يعطي و نعطـي العطايـا مـن عطـاه= كاسب المعـروف رجـل المـروة و الكـرم
الكريم ليا حلـب فـي قـدح فاضـي . مـلاه= راعي الكرمـا فهـد و الفهـد حـر و شهـم
دين ما مثله ترعـرع و حلّـق فـي صبـاه= يافعـيٍ ينـزع الحـق وان غــار انتـقـم
طلعتـه طلـع السعـد نـادرٍ يحمـد ثـنـاه= بالشجاعـة و البراعـة تحـلّـى و اتـسـم
داهية ولـه الدواهـي تخضّـع مـن دهـاه= ما تردد فـي قـراره , ليـا قـرّر .. حسـم
الوطـن ينخـى فهـد وا هنـي اللـي نخـاه= نخوته في ساعـة الضيـق نخـوة معتصـم
الوطن يندب فهـد فـي رجـا الله ثـم رجـاه= ينقـذه مـن غـدر قـوم و عميـلٍ متـهـم
للوطـن حنـا فـدا و الملـك حنـا فــداه =الزعيم اللـي عـن الديـن فسّـر و احتـزم
يا ملك نِعم الملك .. يا ملـك نخـوة وجـاه= بالممالـك يـا ملـك كنـك الطـودة الاشـم
عادتك يا ثالـم السيـف مـن روس الطغـاة= يا عسـاه الكسـر سيـفٍ يعلـق مـا انثلـم
خـل شامـان يعلـج لا تـرده فـي خـبـاه = لين يروى من حجامـة سقيـم مـا احتجـم
عند باب الحكـم سيّـاف و الحكـم اصطفـاه =من تهاون و استمع شور غيـره مـا حكـم
المواضـي تنشـر العـدل و تعمـر الحيـاة = يستتـب الامـن بالسـيـف و ذراعٍ عـسـم
حفلنـا الليلـة يليـق بمكانـة مـن رعـاه = نايـب القايـد ولـي العهـد راعـي الشيـم
مرحبا باللي حضر و اسعد ( الباري ) مسـاه= ركن نجد و ركن من يزهمـه وقـت الزهـم
شيخنـا عـدل المناكـب وقـاه الله وقــاه = سلمـه ربـي لخـدمـة بــلاده و العـلـم
فـي سبيـل العـز بالعـز معـقـودٍ لــواه = مجـذم الهيجـا ليـا عـودوا خلـف الزخـم
طيـب الذمـة كسـاه التواضـع و اكتـسـاه= مـا تباهـى و افتخـر بالتبجّـح و الفـخـم
ان زعل نزعل و نزعل و نرضى من رضـاه= وان تألمـنـا تـألـم و شاركـنـا الالــم
لـه عهـود ولـه جنـود تقـدّر لـه غـلاه =فـي لزومـه يتبـع الصـف صـفٍ منتظـم
سيدي يزهى بك الشعـر مـا مثلـك زهـاه= شاعرٍ ينظم من الشعـر و اسمـع مـا نظـم
مخلصٍ يبعث شعوره يـا علـه يـا عسـاه= يشبـع المعنـى و يحظـى برغبـة محتـرم
سرت بالتوفيق و يسير مـن سـارت خطـاه= في طريقك يمسح الدرب عـن شـوك السلـم
ابـو خالـد كـم يتـيـمٍ تبـنـاه وربــاه= متّعـه عـن والدينـه و سلّـي و انسـجـم
يرحـم المحـروم سلطـان و يخفـف عنـاه= سخـرة الرحمـن والله يرحـم مـن رحــم
طال عمـره مـا يسويـه مـن خيـرٍ كفـاه= عـن صواديـف الليالـي و دسعـات الرمـم
مـا يخطـط للعـروبـة يثـيـر الانتـبـاه =يا رجال ان الفـرص يـوم تسنـح .. تغتنـم
انظروا بالوضع و استمعنـوا ويـش السـواة= لا يضيع الـراي و نضيـع و يطيـح الهـرم
يجـري المـاء مـن تحتنـا نـراه ولا نـراه= العرب تسبح على امـواج بحـرٍ مـا هضـم
العليـل ان طوّلـت علـتـه يصـعـب دواه =يسهر الممروض و يموت من طـول السقـم
و الورم يكبـر و ظنـي طبيبـه مـا احتـواه =كـل مـا ينـزع ورم بالجسـد يطـلـع ورم
الوطن ماهـو بمرتـع خـراب لمـن بغـاه= نحتميه وقد حميناه من ( روم ) و ( عجـم )
نتفانـى لـه و نملـى المقابـر فـي ثـراه= والذوايـد مـن نصيـب الحنـادي و الرخـم
مـن توهـق بمغزانـا لعـن غـزوٍ غـزاه =ارضنـا مـا للعـدو فوقهـا ماطـا قــدم
الوطـن منّـا و فينـا ولا نلـحـق جــزاه =الامان و لقمـة العيـش مـن حمـر النِعـم
امـة التوحيـد حنـا وحنـا اهـل الـصـلاة =و الزكاة و رمز الاسـلام مـن بيـن الامـم
لو طغى راعي الهوى ما مشينـا فـي ه= واهمـا نطيـع افكـار ملحـد ولا نعبـد صنـم
مـن يقابلنـا بحجّـه نحـجّـه و نعـصـاه= بالدليل نخاطـب النـاس ( لا ) ولاّ ( نعـم )
مـا طرقنـا بالاذانـي لوشوشـة الـوشـاة =قافليـن البـاب عـن كـل كــذابٍ هـيـم
قامـت اربـاب السوابـق تستّـر بالعـبـاه =عن عبـاة الديـن يخسـون هافيـن الذمـم
كيف رب البيت مـا يـدري الا عـن عشـاه =هو تعشـا ! هـو تغـدا ! علـى رز و لحـم
و الخطر و الموت بين الغرف يطحـن رحـاه = ما وعى في مرقـده لـو يشـرّك لـه لغـم
الابـو مسـؤول عـن مـا يدبّـر مـن وراه =سـارحٍ فـي غفلتـه لا همـوم ولا هـمـم
لو يضيّع شاه كـدّر علـى اهلـه و إقصـراه= و الشباب يضيع و يقول مـا ضاعـت غنـم
الولـد يطلـع ولا قيـل وش اسـم زمــلاه= اجتمـاع الـذل و العـار و التفكيـر اهــم
صنّع التخريب شيـن الطبـوع ومـن خـزاه= انطلق به و انتحر بعد مـا ظـن و زعـم ..
انه اقرب للنبـي وانـه اقـرب مـن عصـاه= من هبالـه فـي خيـال الشهيـد ليـا هجـم
الشهيـد اللـي عـن الـدار ياقـف ويحمـاه =من يمينه في صـدور العـدا يرسـل سهـم
كـان مـا للجـاهل حـدٍ يـرده عـن خطـاه= مـا بقـى عاقـل ولا صـار للدنيـا طـعـم
غايب الاحساس يذهـب حياتـه فـي شقـاه =الشقي ما يـدرك الحلـم خيبـة مـن حلـم
مس سرج ابليس و اطلق عنانـه و امتطـاه =بالخـراب الخايـب امـا سـرى ولا جـهـم
منحرف .. مفسد . مراهق .. موجّه من اعداه =غرّروا به و اغـدروا بـه عساهـم للوهـم
امسحـوا مخّـه و ساقـوه عكـس الاتجـاه = واصبح المخدوع و امسى عمى و ابكم و اصم
العمـى عمـى البصيـرة هـذا والله عمـاه= العمى ماهـو كفيـف البصـر ديـن و قسـم
بس في فعل الردى مـن امـره ومـن نهـاه =الغبـا واهـل الغبـي لـو يفهّـم مـا فهـم
رايـحٍ للهاويـة سـرمـدة لـيـلٍ ســراه= يسـري المنجـوم و يكـذّب انـه مـا انّجـم
الهـدف مشبـوه و المشتـبـه بـيّـن رداه= للخساسـة طافـي النـار سلّـم و استـلـم
خارج الملّـة مـرق يـوم ربـي مـا هـداه= بالمصايـب و الكـوارث نسـف كـل القيـم
تاجـب اللعنـة علـى محـدثٍ جانـا بـأذاه =نشهد انـه خـان بامانتـه و اجـرم و اثـم
ومن أواه ومـن رضـي فعلتـه تبّـت يـداه =وجهه اسـود كحـت و اسـود مـن الفحـم
مـا درى كبـش الفـدا لـو يقـادي للذكـاه =و الكـلام بخاتـم الانبـيـا تــم و خـتـم