الطيب فرصة والجمايل توافيق

الطيـب فـرصـه والجمـايـل توافـيـق= ومـن لاتـوفـق ماكـتِـب لــه جمـالـه

ومن لارقى للطيب روس الشواهيق =مــازان لــه وقـتـه عـلــى مـابـدالـه

ومـا دام لفعـول الجمايـل عشاشيـق= كسـب الجمـايـل مايـجـي بالسهـالـه

ولـو انهـا تشـرب مـع فكّـة الـريـق= كـلٍ خـذالـه كــل مــا أصـبـح بيـالـه

والطيـب منـوه للقـلـوب المشافـيـق= كــلٍ يـتــوق ومـنـوتـه راس مـالــه

والمدح مايزهى على الرجل ويليـق= الاّ لاصـــارت وافـيــات ٍ خـصـالــه

يستاهـلـه رجــل ٍ يـفــكّ المـزانـيـق= الـلـي يـقـال ونـعــم لاجـــا مـجـالـه

ومن ساقته نفسه وهو مابعـد سيـق= لأجـــل الجـمـيـل يـزيّــن الله فـالــه

والمرجلـه مـاهـي بتحـتـاج تنسـيـق= مـن بيـن قلـب اللـي عشقهـا وبالـه

ومن عـادة الدنيـا تخـون المواثيـق= تـفـتـرّ مكـرتـهـا ســـواة الـمـحـالـه

ولـولا اللـوازم ماعرفـنـا المخالـيـق= مـانـعـرف الـرجّــال لـيــن انعـنـالـه

والكفؤ تظهـر فزعتـه حـزة الضيـق= وينشـاف فـي الشـده بعيـن العـدالـه

نـسـل الـرجـال متّعبـيـن الملاحـيـق= متـوسـط مــن بـيـن عـمـه وخـالــه

واللي يطيق ولا بغى قـال مـا أطيـق= تـحـرم علـيـه المرجـلـه والشـكـالـه

والهيّنه تكبر علـى الـلاش والهيـق= له في الرخاء قاله وفي الضيق قالـه

والطيب شـاره والضمايـر صناديـق= والــلاش طـيـبـه مـاتـعـدّى ظـلالــه

وأنا أسبـر قلـوب الرجـال المغاليـق =والصامـت أقطـع غايتـه مـن مقالـه

ومـادام فـي الدنيـا رجـال ومطاليـق= نصيتـهـم والــلاش مـالــي ومـالــه