ليتني له ولد عم

الله مـن نـارٍ بكبـدي توهـجـم=تشبه لنفـطٍ ولعـو بـه نصـارى

على عشيرٍ ليتني لـه ولـد عـم=من شان اجي لزين سيد العـذارى

واشوف شخصٍ حضرته تبري الهم=لغاب عني دمـع عينـي تجـارى

حبه دخل بالقلب يجري مـع الـدم=لجله انا مابات اعيونـي سهـارى

بطلب عسى الله يجمع الشمل يلتـم=ويطيب جرحٍ به مداويـه حـارى

شفقٍ على لامـاه شفـقٍ ومغـرم=احبها مـن عـاد حنـا صغـارى

ابو عيونٍ سـود لغضـى وسلهـم=عليه اون الليل وطـول النهـارى

خده قمر يجلي دجى الليل الاظلـم=والعنق عنق الريم بروضٍ قفـارى

لولا الحيا لاصيح للنـاس وأزهـم=واشرح لهم ماصاب حالي جهارى

لكـن راع الحـب يخفـي ويكتـم=لوهو من اوجاعه تكـوى بنـارى