بينما كان الشاعر مسعد الجهني والشاعر علي الهجله متجهين على متن طائره من المدينه الى المنطقه الشرقيه لاحياء امسيه شعريه هناك المهم انه بعد اقلاع الطائره قام مضيفو الطائره بتقديم المرطبات والحلويات وبعض السندوتشات شاهد الشاعر علي زميله الشاعر مسعد وهو يتناول السندوتش فحرضه خبث وقال بيتين شعر يقول فيها :
بعد المفطح والدلال الصفر وعلوم الرجال =
عشاء القصير سندوتش وقهوته نسكافيه
سبحانه من هو غير الاحوال من حال لحال =
ايامنا وليالنا ماهي دوام صافيه
فرد عليه مسعد :
حنا ضيوف اهل المدينه والكرامه للهجال =
والناس ياهل العرف ماتخفي عليهم خافيه
سبحانه من هو سير الجنب وتجي فوق الجبال =
اليا مشت مثل السهم في الجو ماتنشافيه
فرد علي :
لو المضيفه عارفه قيمتك جابت لك خيال =
يوم عرفت قيمتك واليا مالها محرافيه
اللي يجعل حال من عوضك بايام الجمال =
اللي مع الشعبان تطردها ورجلك حافيه
فرد مسعد :
وراك ماعلمتها وانت الكبير من العيال =
نار المضيفه ماتولع وانت نارك طافيه
والفضل لله ثم لابن سعود وخشيم الريال =
ونا دفعت العمله اللي ترضي الصرافيه
فرد علي :
انا ماشفتك غير في الكرسي مربط بالحبال =
واللي مايربط ماتربطه العرب من عافيه
الله يسهل لك تروح لليمن والا الشمال =
تستاهل العلم الوفي ياكامل الاوصاف
فرد مسعد:
انته تضايق كل مانته شفتني لابس عقال =
واللي عطاك الجامعه غششك في الجغرافيه
الله يوفق خير وتعيش السباع مع الجبال =
ويروي العطش لو الشرب بالمغرافيه
محاورة على متن الطائرة
محاورة على متن الطائرة 
النمط الخطي
