قصيدة الشاعر: جابر عمير الجهني...

لقيت شعـر الـرد طايـح ومكسـور=رأسه يصب الـدم وعظامـه كسـار
قلنا علامك يابيـض الوجـه مأجـور=ويش صارلك في تالي الوقت ويش صار
ويقول أنا مـلام لـو طحـت مقهـور= عربان طاحـت فـي ماهـي بشعـار
بعض العـرب ناقـل بيمنـاه باكـور= والا معه سبحه تجي خمسـة أشبـار
ثـم انطلـق بالملعبـه كانـه الـثـور=ويقول أنا شاعـر مواويـل هـودار
وقام ونثرهـا كانهـا نفـش منثـور=لا شعـر ينغنـى ولا طيـب مسعـار
قالوا له اجلس دون حقـران وقصـور= اجلس على دلـه بهـا بـن وبهـار
ويقول ان شاعر معي الصف جمهـور= ذلحين أولعهـا كمـا الملـح لا ثـار
أنا ولد شاعر واحـول علـى الكـور = والا لا خرب لعبكـم يـا اهـل الـدار
تلقاه يشمـت فـي رجـالاً لهـم دور = تاريخهم معروف مـا بيـن الأقطـار
هذا الذي عقب علـى شعرنـا الجـور= ويقول انا لا ويـن للجـوار صبـار
يا ليت جاء للشعر رئيـس ومأمـور = يقفلونـه عـن ضعيفيـن الابصـار
الشعر يبغـى رجـل للعـرف دكتـور= يعـرف موازينـه ويعرفلـه اعيـار
مثـل الثبيتـي والجبرتـي ومستـور= والا كما صياف فـي الشعـر بيطـار
والا سوات العازمـي وابـن منصـور= والا خلـف هـذال لا شبـت الـنـار
والا السميـري والسنانـي لهـم دور= غاصوا بحور الشعر في حلو وامـرار
وشعار واجد مـا لهـم عـد وحكـور= من دون أسميهم لهـم ذكـر وأخبـار
الحر لو مـا اسميـه بيـن ومشهـور= مثل القمر طالع علـى كـل الأنـوار
قولي عن أهل العرف تـروه مقصـور= قولي على اللي بين الأجـواد ثرثـار
تمت وصـل الله علـى خيـر مذكـور= على النبي الهاشمـي خيـر الأبـرار