من أروع ما قرأت لعابرة سبيل رحمها الله

قصيدتان اعجبتني كثير وحبيت ارسلها لكم يمكن
تعجبكم وهي للشاعرة رحمة الله عليها عابرة
سبيل وزوجها حين أتاها المرض
واعتقد ان المرض السرطان الله يحمينا
ويحمي المسلمين منه


قصيدة عابرة سبيل

ترى الذبايح وأهــلــها ما تسليني ...... وأنا أدري إن المرض لا يمكن علاجه
أدري تبـــي راحتـي لا يا بعــد عيني ....... حرام ما قصرت ايــديـك في حـاجه
إخـذ وصــاتي وأمـانـة لا تبكـيـني ...... لو كان لك خاطـر ما دودي إزعـــاجــه
أبيك في يديك تشهدني وتسقيني ...... وأمانـتـك لا تجي جـسـمي في ثلاجـه
لف الكفن في ايديك وضف رجليني ....... ماغيرك أحد كشف حسناه وإحراجه
أبيك بالخـيـر تذكـرني وتـطـريني ...... إيجيرني خالـقي من نــــار وهاجـــه
سامح على ما جرى بينك وبيني ...... أيام أمـسـي عــدل وأيام منعاجـــــه
عيالي همي وأنا اللي فيني يكفيني ..... علمهم الديـن تـفـسيـره ومنهاجه

رد زوج عابرة سبيل

حاولت أنام وحاربت عيني النوم ...... وجريت صوت مثل صوت الذيابه
الجفن كنه صار ضايق ومهزوم ...... ودموع عيني مثل رس السحابه
على وليف قالوا اليوم مرحوم ....... فارق وراح وماتهنى في شبابه
زرت القبور اللي على بعضها ارسوم ..... وخطيت رسم فوق ذيك النصابه
قلبي مــن الدنيــا عليه مرســوم ..... والرسم توه عقب خــط الكـتابه
أحبها مير القدر صار مقسوم ..... ويحبـــها كل الاهـــــــل والقــرابه
الموت اخذها واودع القلب مثلوم ..... جرح عميق وما يداوي صوابه
الموت اخذ شجعان وارخوم وقروم ..... واخذ رسول الله وباقي الصحابة



مع خالص الود