هذا الحب يابلااا

صادفتها صدفه بمستوصف القمه = بالــعين راعيتها لحظــه وتــرعاني
شميت أنا عطرها ويابخت من شمه=يدوخ ويسكر ولو مــاهو بشــرباني
قمــت أتــذكر زمـــان فــات وألمــه=ولا عادها الله من نصيب يوم وداني
هلت دموع العيون ولا بقى همه= مما جرالي نسيت الم الاسناني
معها أخوها رفع كفه على فمه=كنه يقول الله الستار ياقاني
نفس الملامح ويشبه دمها دمه=سبحان رب خلقهم دعج الأعياني
يدري بحبي وتدري أمه وعمه=حال القدر بيننا والحب سلطاني
يبكي ويمسح دموع عيونه بكمه=يبكي على شانها وعلى شاني
والله يالولا الحيا والدين لأضمه=واسمعه شهقه من قلب شفقاني
الحب بلوه ومنه النفس مهتمه=وش حيلتي والغضي دمي وشريانى
جسمي يروح ويجي والقلب من يمه=القلب عنده يبيه ولا يبي ثاني
أقسم بربي وأنا لي مذهب وذمه = لأعيش حبه ولو حبه على جاني
شربت كاس الهوى ورويت من سمه= ما مات وارتحت ولا هو بالى أحياني
أضحك مع الناس والاحزان منضمه=كني سعيد و انا مبلي با لأحزاني
عندى وصيه وتالي الهرج يا يمه=الموت حقاً على القاصي مع الداني
وان صرت فوق النعش والناس ملتمه=مرو على بيتها وتشوف جثماني
قولو لها الموت زم صويحبك زمه = ما مات حبه ولو هو بالنعش فاني
شلناه للمقبره وأدعي له القمه = خوذي ثوابه وجودي له با الاحساني
ويالله يالمقتدر ياكاشف الغمه = تفرج لمن حالته دومن بنقصاني