قصيدة في أخوي وحبيب قلبي سلمان الذبياني

جزاك الله بالخير ياحايل عطيتيني سلمان=ما فيه مثله في البشر لا أول ولا ثانـــــي

من قوم معروفه بالوفا على مر الأزمــان=يكفيه لا شفت في أخر أسمه الذبيـــاني

عز الخوي وليا أوتمن ماهو بخــــــــوان=يحفظه ربي ويبعد عنه الأحزانــــــــــــي

نظيف قلب وما يلتفت للي حقدهم بـــــان=أشوف الطيب في عينه وأنا في مكاني

تبي ترحل يوم القلب بك راضي وفرحان=تكدر خاطري بالحيل يوم الخبر جانــي

أنا أشهد أنك ذيب ما يجي منك نقصان=وأنا أشهد أنك وليده على مر الأزماني

أذا شفتك أنبسط وأنا من داخلي زعلان=يازين بسمتك وتظرتك يا زين الأعياني

تبي تروح وتخليني بالهموم غرقـــــان=تبي تقتل فرحتي وتجدد فيني أحزاني

يارب مده بتوفيقك يارب الأديــــــــان=وأحفظه وأرزقه وعطه كل الأمــــــاني

يا جهينه يا كبر حظكم بذيبكم سلمان=ماكل من يتسمى بسلمان سلمـــــــاني