عودوا رجالا كي نعود نساء ..

اقتباس (4) فالمرأة أصبحت تعمل خارج البيت.. والمرأة تعمل داخل البيت.. والمرأة تتكفَّل بمصاريف الأبناء.. والمرأة تتكفَّل باحتياجات المنزل.. والمرأة تدفع فواتير الهاتف.. والمرأة تدفع للخادمة.. والمرأة تدفع للسائق.. والمرأة تدخل الجمعيات التعاونية.. والمرأة تدخل سوق الخضار.. والمرأة تدخل سوق السمك..

أولا : سلمتــــي يالغلا .. موضوع يستحق القـــراءه ..

الله لايحـــــرمنا منك .. ولا يحرمك مني >>> واثقه .

ثــانيــا ياقلبو : الجزء اللي اقتبستـــه عندي تعقيب عليه بسيط ..

حرام نهز الرجال بكلام زي كذا .. بنظـــري لو هم قادرين ماخلوا المراءه تشتغل وتسدد ..

يعني ظروف الوقت تجبـــرنا .. ولا إذا إذا جينــا للواقع .. حتى هم كرجال يحنون لرجولتهم (( وكتنويه بسيط هم مافقدوها .. هم افتقدوا الإحساس فيها ))

يعني مافي رجال مقتدر يرضى إن زوجته تسدد الفواتير وتصرف على البيت وتنسى نفسها بزحمة أولادها ..

إلا اللي هو أساسا مو رجال .. وشخص أناني .. هذا شيء ثاني ..

والحين والعياذ بالله الدنيـــا أصابها غلاء غير طبيعي .. يعني لو راتبه 10 الآف .. يحتاج من يساعده ..

ممكن الزمن الحالي افتقد الرجوله بشيء معين بعيد عن الماديات ..

الرجال الحين .. أو مع احتــــرامي للكل أشباه الرجال .. أصبحوا غالبيتهم سلبيين لأقصى حد .. مالهم موقف ..

وماني عارفه اش السبب اللي مخلي هرمون الأنوثه يزيد ويطغى عندهم ..!!!! >>> في دراسة تقول لحم الدجاج والأكلات السريعه >>>> أقول اهجدي الله يصلحك ..


المهم أغصان .. أنا حبيت أعقب على موضوع الماده .. ويبدو لي طلعت عن صلب الموضوع ..

لكن عمر الماديـــات ماكانت سبب ..

وكإناث عموما .. الحاجه للرجل عندنا .. هي الحاجة إلى إحساس الرجوله .. عطفه .. تفهمه ..

وهم بعد .. الحاجة للأنوثه عندهم (( أبتكلم على ألسنتهم والله يستر )) هي حاجة لأحاسيس الأنثى .. عطفها .. اهتمامها .. نعومتها >>> وركزوا

الزمن الحالي كل من الجنسين فقدوا ملامحهم .. البنت ناعمه ممكن بالشكل .. وهي من الداخل (( الا مارحم ربي )) للأسف .. أقسى من أي رجل ..

والرجل بعد .. منظر رجل .. ولا هو ( رخمــه بالعامي ) يعني لا كلمه .. لا عهد .. ولا شيء ..

<<<<<<<<<<<<<<< زودتها ماكنها ؟؟


المهم أغصان حبيبتي .. تسلمين والله .. وألف شكر لك يامميزه ..

واعذريني طولت .. وماني عارفه وش قلت بالضبط .. أو حتى إن فكرتي واضحه أو لا ..

بس العذر والسموحه منك .. والتعبير للأسف أنا كنت فاشله فيه ..

وللمعلومية لاحد يقولي تدافعين عن الرجال .. لا والله .. بس الظلم حرام .. >>> اي ظلم الله يصلحك ..

أخيـــــــرا :

تقبلي أصدق الأمنيــــــــات ..

أختـــــــك ..