بغلق الجوال

أنا اقول اسكّر هالجهاز وبلاش هبال = لو بيتصل كان اتصل من قبل ساعه


تعبت انتظر والمنتظر حالته غربال = قضى الوقت ووصاله على سلك سماعه


ياليته تعذر بالرسايل وحل اشكال = ولكن ولا فالبااااال ولا تعب اصبااااعه


اعرف العذر بيقول سكر من الارسال = وهو ضاغط التسكير وانقطعت اسماعه


او ان الشحن فضا وخوّن به الجوّال = او انه يدق وماشبك صارله ساعه


انا كل ليله يالربع نفس هالموال = ومن مااشتهي يلقى للعذر شماااعه


انا الله بلاني في حبيب(ن)كثير اهمال = تعبت احترقله شوق والنفس طماعه


ومنهو نشدني عنه اقول عال العال = وأنا وين عال العال والروح ملتاعه


الا واعذابي كان اببطي على هالحال = تعرضت قيضه والطمع كان مرباعه


أنا ليه اضيّع هالعمر مع خلي البال = علشان منهو عرض القلب لاوجاعه


عزيز(ن)ولالي بالمحبه وشغل عياال = ياكثر الحبايب لكن النفس مناعه


ابصبر وباكر الا اتصل بغلق الجوّال = ابذوقه ظيم المحبه ولو ساااااعه