الربحلة:اللي تكون ضخمة ومعتدله..<< شخصيا ما فهمتها ما استوعبته..اتخيلها ابجورة...!!
السبحلة:اللي تكون ضخمة بزياااادة بس متمسكة بجماااالها..<<مثل ديانا كرازون متختخة ومملوووحة..!!
الجارية:اللي تكون طويلة وسبطة...<< الطويلة فهمناااها بس الـ(سبطة)مدري من اي قامووس جايبينها...!!
الوضيئة:اللي تكون فيها مسحة من الجماااال...<<مملوووحة..
العيطبول:اللي تكون رقبتها طويلة وحسنة ومعتدلة...<<فيها اشيا كثير ذا العيطبوول يا وجها الله من اسمها...!!
الغانية:اللي تكون مستغنية بجمالها عن الزينة..<<حبتييييييييين..شكلها..(كوووول)
الوسيمة:اللي تكون لها حظ واااافر من الجمااال..<<أنا اعرف الوسامة للعيال..والجمال لكم يا الحريم...!!
الرعبوبة:اللي تكون بيضا ورطبة...
الزهراء:اللي تكون بيضة بس مايله للصفار..مثل لون القمر..<<ماعليكم منه..مثل الشاهي بالحليب..!!
الدعجاء:اللي تكون عيونها سوووودا،ومقلتها وسيعه..<<عن نفسي مدري وش المقلة..بس توقعاتي تقول انها البؤبؤ..!!
الشنباء:اللي تكون عندها شنبات!!..لووووووول..لالا امزح اللي تكون اسنانه رقيقة متواسية وحلوة..<<مب هي الحلوة أسنااانها..!!
الخود:اللي تكون عندها خدووود..لالا امزح خلاص..آخر مررة..اللي تكون شابة وأخلاقها حلوة..<<لا يكثر...!!
المولودة:اللي تكون ملامحها دقيقة...<<يقصد بناات الحجاز...أحلى بنات انخلقوا فـ..الكووون كلّه..!!
الخرعبة:اللي تكون حسنة القد..ولية العصب..<<ما فهمت..!!
المبتلة:اللي تكون مالها طبقااات من الشحوووم..<< واضحه ما يبيلها...!!
الهيفا:اللي تكون لها بطن لطيــف...<<ما همني المعنى اهم شي الاسم يخقق وبس...!!
الممشوقة:االي تكون لها خصر نحييييل وقامتها ممتدة...<<يعني اللي تجيك مرررتزة...!!
الخدبجة:اللي تكون لها ذراعين وساقين مليانتين...!!
البرمادة:اللي تكون دبيّه..ترجج من سمنتها..<<فيل بس متنكر على شكل انسان..(استغفر اللـه)...!!
الرقراقة:اللي تكون كن الموية تجري في وجهها...<<ما عامري صادفت وحدة فيها هـ(الصفة)..!!
البضة:اللي تكون رقيقة الجلد وبشرتها ناااعمة..
النظرة:اللي تكون لها وجه..فيه نظرة نعيم..!!
الوهناهة:اللي تكون فيها فتوور من سمنتها اذا جت تقوووم..
البهناهة:اللي تكون رحيتها حلوة..
العرهرة:اللي تكون عظيمة بأخلاقها وجمالها..
العبقرة:اللي تكون ناعمة وجميلة..
الغيدا:اللي تكون متثنية اللين ومتعمدة انها تكون كذا..
الرشوف:اللي تكون ريحة فمها حلوة..!!
النوف/أنوف:اللي تكون ريحة يدها حلوة..
الرصوف:اللي تكون خلوتها طيبه..
الشموع:اللي تكون لعوووبة..وضحوووكة..<<يعني هطفه..لالا محشومة بس احسها كذا..!!
الفرعا:اللي تكون تامة لشعرها...<<الظاهر انه يقصد مفرعة شوشتها...!!
الدخيمة:اللي تكون صوتها واااطي..<<ما ينسمع يعني...بس هذي تنفع آخر الليل<<يعني تنفع سواليف لاحد يفهم على ذوقه...!!
العروب:اللي تكون تحب زوجها..وهي محببه عنده...<<هذا الزوااج ولا بلاااااش...أبي أعرررس...!!
النوار:اللي تكون نفورا من الريبة..<<مب نااافورة حقت الحديقة..لا نفورا يعني ..(تهرب)..!!
القذور:اللي تكون تتجنب القذارة..<<يبي يقول نظيفة..بس خانة التعبير...!!
الحصان:اللي تكون عفيفة...
البنون:اللي تكون تولد كثير..
النظور:اللي تولد قليل..
المذكار:اللي تكون ما تجيب الا عيال فقط..
المئناث:اللي تكون ما تجيب الا بنات فقط..
المهاب:اللي تكون مرة تجيب ولد مرة تجيب بنت...<<بالعربي تستهبل...!!
المقلات:اللي تكون تولد بس ما يعشون لها الاولاد...<<هذي تكسر الخاطر..(من جد ما استهبل)..لازم في رجل ينتبه للبيت..
المنجاب:اللي تكون تولد النجبا...<<وشي اللنجبا لاحد يسألني..!!
المحمقة:اللي تكون أخلاقها تجارية..(الله يعزكم)..اللي تكون تولد الحمقا..<<حلووووووووووووووة..يعني في بنات حمقأوات...!!
الممكورة:اللي تكون مطرية الاخلاق...<<يعني كلن يطريها باخلاقها...!!
اللدينة:اللي تكون لينة وناعمة..
المقصد:اللي تكون..كل من شافها عجيته...<<ونااااسة...(ومن يرضي جميع الناس)...؟!!
الخبرنجية:اللي تكون من بنات الخبر..لووووووول..لالا هي الجارية اللي تكون اخلاقها حلوة..
الرتكة/الرجراجة:اللي تكون كثيراللحم..!!
الخريدة:اللي تكون حبيبة..
الطفلة:يعني البزر..لالاهي اللي تكون ناعمة اللملمس...!!
العطبولة:اللي تكون رقبتها طوووووويلة..
البراقة:اللي تكون من كثر بياضها تبرق..
الدهثمة:اللي تكون سهلة...<<ما فهمت وش يقصد..بس ان بعض الظن اثم...!!
العانق:اللي تكون ما بعد تزوجت..
الباهرة:اللي تكون سااابقة غيرها من الحريم بجمااالها...<<يعني أحلى وحدة في البنات..
الهنانة:اللي تكون ضحوووكة..المتهللة..<<بمعنى أدق المستلجّة...!!
الغليم:اللي تكون حلوة واخلاقها أحلى...
المتحرية:اللي تكون مشيتها حلوة..
العيطموس:اللي تكون فطنة وحلوة..<<بس عليها اسم خرب الدعوة كلها..!!
السهلبة:اللي تكون لها لحم خفيف...!!
العزيزة:اللي تكون غافلة عن الشر...
البلهاء:اللي تكون كريمة<<الظاهر في خطأ مطبعي..بس هم كاتبينها كذا...!!
الفيصاء:اللي تكون رقبتها طويلة...<<يا حظهم اللي عندهم رقاب طويلة لهم 100 اسم..اكثر من مرة قالوها لهم..!!
المجدولة:اللي تكون مجدلة شعرها..نياهاها..لالا اللي تكون ممشوقة...<<والممشوقة يعني اللي خصرها لطيف وممتدة قامتها..!!
السرعوفة:اللي تكون طويلة وناعمة..
الشموس:اللي تكون ما تطمّع الرجال في نفسها...<<ونعم والله...!!
البلهاء:اللي تكون كريمة<<الظاهر في خطأ مطبعي..بس هم كاتبينها كذا...!!
يعني اذا احد قال لي يابلهاء انبسط لأنه مدحني>>>>>> ساعتها بصير بلهاء صح ههههههههه
مشكور اخي القدير عاشق المقناص على هذه المشاركه المفيده
تقبل فائق تقديري
تحيتي,,
((إدارة المنتدى ))
1- الالتزام بآداب الحديث والحوار وعدم التعرض للدين الإسلامي بالإساءة أو إلى أيّ من الأديان السماوية الأخرى.
2-عدم التعرض لأي شخص أو كتابة ما يتعارض مع القوانين المتعارف عليها رسمياً,أوالمساس بولاة الأمر .
3- لتقديم شكوى يجب مراسلة إدارة المنتدى أو عن طريق كتابة موضوع في قسم الشكاوي والاقتراحات.
4- يمنع منعاً باتاً التدخل في شؤون إدارة المنتدى ،وإن مشرفين المنتدى والإداريين لديهم حق حذف، أو مسح ، أو تعديل ، أو إغلاق أي موضوع لأي سبب يرونهوليسوا ملزمين بإعلانه.
5- في حالة رغبتك في وضع صورة في خانة التوقيع الخاصة بك فيجب التقيد باستخدام صورة واحدة فقط .
6-عدم وضع صور غير لائقة في التواقيع أو الصور الرمزية أو الشخصية وخصوصاً الصور النسائية ,وسيتم حذف الصور المخالفة.
7- إن مشرفي وإداريي منتديات شبكة جهينة بالرغم من محاولتهم منع جميع المشاركات المخالفة ، فإنه ليس بوسعهم استعراض جميع المشاركات. وجميع المواضيع تعبر عن وجهة نظر كاتبها .
ولا يتحمل أي من إدارة منتديات شبكة جهينة أي مسؤولية عن مضامين المشاركات.
((أشكرك لأنك قرأت الشروط ... وكذلك لأنك تعي ما تقرأ ))
أنواع الحريم باللغه ....؟...؟..؟
أنواع الحريم باللغه ....؟...؟..؟ 
مشاركة: أنواع الحريم باللغه ....؟...؟..؟ 
النمط الخطي
