!~¤§¦ راسي عمسني ¦§¤~! ::: للشاعر عيد بن حميد العرفي الجهني

راسي عمسني ليه راسي عمسني =يامن يدل المنعمس في دواء العمس

.

ياكهرباء ياماسي اللي لمسني=وحده من الثنتين ياماس يالمس

.

سالب وموجب ملتمس والتمسني =وقلبي تقلب وانحرق وانحمس حمس

.

حابس ولابس لاسبي والتبسني=برضاً خلا لاصوت واضح ولا همس

.

حالي كما قفراً عن السيل مسني =وغصون قلبي بالحيا مالها رمس

.

بحت الخفا يوم الهواجس هجسني =من كثر مانسمع من الخلط والغمس

.

من لامني يطمس ابحراً طمسني =في غبةٍ بامواجها تطمسه طمس

.

سوء القضا بركاس غيري ركسني =وعلّة نهار اليوم جتّ من نهار أمس

.

لولا الحيا من دون حقي حبسني=مابقى سجين وحقي أوضح من الشمس

.

ولو قام حظي واعتدل ماعكسني =لا .. وعزت اللي زيّن الكف بالخمس