عارِف ياأمَه مقامِك

24 صفر 1427هـ, 03:41 م

بلبلة الأسكندرانية

مشرفه سابقه

آخر وسام للعضو

وسام العضو الذهبي لمن تجاوز 6000 مشاركه

عارِف ياأمَه مقامِك

بسم الله الرحمن الرحيم

عارِف ياأمَه مقامِك

عارِف ياأمَه مقامِك

جَنه تحت أقدامِك

يعني مافيش ولا كلمَه

تِوصف قيمتُه مكانـِك

بَعد مارَب العـِزَه

في القرآن قالهالـِك

أنا إيه ياأمَه

بدون الضَمه

لما بتاخديني ف دراعاتـِك

طَب ده أنا لَما

أحِس بضَلمَه

ألقى النور تاني بدعواتـِك

وبيكي ياأُمي عشانـِك

يرضىَ عليَّه الله ويبارِك

يجعَل ضَى ف ليلي الحالـِك

وطريق سَد بيصبَح سالـِك

ياأمَه رسول الله أوصالـِك

أعظم شئ في الدُنيا وِصالـِك

كلمة إيه مُمكن أقولهالـِك

بَعد شهور تسعه في أحشائـِك

مَوصول شُرياني بشُريانـِك

وسنين وإنتِ مافيش على بالـِك

غير إبنَك يكبر قُدامـِك

وكُل ماأحِس إن أنا مِحتاجلـِك

من غير ماأندَهلِك ألقاكِ

ياأَمه كتيره عليَّه جمايــِلك

ده أنا غـَرقان في بحور مِن فـَضلـِك

يُبقىَ إزاي لَو قـُُلت بحبـِك

أبقى خلاص وَفيـتـِك حَقـِك

ده أنا أبوس راسِك

إيدِك

رِجلـِك

كُل الغالي ياأُمي أجيبلـِك

وتهون الدُنيادي لأجلـِك

وأفضَل لِسَه كَمان مَديونلـِك

لَو حتى عيوني إدتهالـِك

كلمة إيه مُمكن أقولهالـِك

أكبَر مَهما أكبَر أنا إبنِـك

كُنت جَنين شيلتيني ف بَطنِـك

طفل صَغير حاطاني في نِــيــنـِك

وكبير ياأمَه ولِسه ف قَلبــِك

كُل ماحاول كلمه إكتبـلِـك

ألاقيني بأكَرَر في كَلامِك

ما أنا عَلمني ياأُمي لسانِـك

وعرفت الدنيا بحكاياتِـك

ومشيت لَما رَأيت خَطواتِـك

كُنت وراكي في توبـِك ماسِك

أتعَب

تاخديني ف أحضانِـك

أبرَد

ألقى الدَفا في حنانِـك

مَهما أسأل

يوصلَني جَوابــِك

ياأمه كتير بَكاني بعادِك

ياأمَه ياريت بإديه فُراقِك

كُنت بَنيت ف جسور واصلالِك

كُنت أعوم ف بحور رايحالِك

كُنت أَهِد يادُنيا جبالـِك

وأرجَع تاني ياأُمي لدارِك

أمسَح دَمع عيوني بشالـِك

كلمة إيه مُمكن أقولهالـِك

ياأمَه أنا عايزِك

تِدعيلي تَملي ف صَلواتِك

ياأَمه أَحلـِفلـِك

كُل مُنايا أَنول مَرضاتِك

ده أنتِ في بالي تـَمَلي وشايفـِك

لَما ضنايا باأشوفُه قبالي

أَيوَه ياأُمي خَلاص صَدقتِك

بَعد مارَبي عِيال إدالي

وبأصارحـِك دِلوَقتي فهمتـِك

إن صحيح الضَنا شئ غالي

حاسِس بيها ياأُمي مَشاعرِك

لَما خلاص مابـقـِتش قُبالـِك

يَعني صغيَر كُنت أنا شاغلـِك

وكبير برضُه ف بالــِك

كلمة إيه مُمكن أقولهالـِك

بَعد مارَب العِزَه

في القرآن قالهالـِك

عارِف ياأمَه مقامـِك

جَنَه تحت أقدامـِك
منقول

من مواضيعي :

≈ خداع بصري
≈ الحرب العالمية الثانية
≈ تورت غريبة بس حلوة
≈ مبروك السميحانى وبنت الناس
≈ ساعدنى ياإلهي

25 صفر 1427هـ, 11:15 ص

okkamal

مشرف سابق

آخر وسام للعضو

وسام العضو البروزني لمن تجاوز 1000 مشاركه

العزيزة بلبله
كلمات رائعة واختيار موفق
ربما تشعرك بالحنين
وربما تزيد الشجن لمن فقدها

واتذكر هنا
ان الام عندما تموت ينادى منادا من السماء ويقول
ياابن ادم ... قد ماتت من كنا نكرمك من اجلها
فافعل خيرا نكرمك من اجله

فالام كانت مصدر لنزول الخير لنا من السماء

لن ازيد عن ذلك
واللهم بارك فى امهاتنا وارحم من رحل منهن
دمت بخير
احمد المصرى

رئيس نادى القلوب النازفه
أحمد المصرى
-------------------

من مواضيعي :

≈ هل غربت شمس امريكا ؟؟؟
≈ بنت الجيران
≈ فارقنى الحبيب ... وكان هو الطبيب
≈ كلمات من الزمن الجميل = ليلة حب
≈ من هو الشقى ؟؟؟؟؟؟؟

25 صفر 1427هـ, 04:30 م

okkamal

مشرف سابق

آخر وسام للعضو

وسام العضو البروزني لمن تجاوز 1000 مشاركه

اختى بلبله
هذا واجب علينا ان نمر على سطور جميله
واحرف مضيئة
دمت بخير
احمد المصرى

رئيس نادى القلوب النازفه
أحمد المصرى
-------------------

من مواضيعي :

≈ كيف تعالجين ملل حياتك الزوجية _ للنساء فقط ..ممنوع على الرجال الدخول
≈ ماتت امى .. وجف نهر الحنان
≈ طقطوق وظريفة وهلال رمضان
≈ أيها الخجل أين حمرتك ؟؟؟؟؟؟
≈ رمسيس الثانى واسلام عالم

28 صفر 1427هـ, 11:15 م

بنت الوطن

عضو برونزي

oO كلمــــــــــــــــــات رائـــــــعة Oo
oO سلمت أناملك غاليتنا بلبلة الأسكندرية Oo
OoO خاطره رائعة بروعتكOoO
oO مشــــكوره على الخاطره الجميلهOo

oO دمتي لنا ولمنتدانا سالمه Oo

تحياتي القلبـــ والوديه لكم ـــية

حبي وتقديري

أختـــــــــــــــكم
بنت الوطن

من مواضيعي :

≈ اختبارات للفتيات هل تملكين ذكاء عاطفيا
≈ » حلى الجبن المثلث.
≈ شيز كيك ..........
≈ تحذير هااااااااام من ؟
≈ Oo ماهي ؟ oO

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر