جو عيال عم ظبيه راكبين على الجيش ويحدون ويقولون مسلم لو مسكناه قطعنا كف يمناه
فركب على الذلول وراح لديرته برضوى ويوم وصل هناك كان له اخ من امه اسمه سويلم وكان هو اللي يداريه
ويعطف عليه .
لكن مسلم تغيرت حالته ولا يتكلم ولا ياكل حاولو بشتى الوسائل انه يتكلم بس ما تكلم وجلس مريض فتره طويله
ونحيل واخوه احتار بحالته وقرر انه يوديه لكاهنه عندهم قالت له
طلعه ضلع رضوى فووووق اذا كان عنده علم يبي يقوله لك واذا كان شاعر يبي يقول قصيده
وفعلا طلع اخو الوليعي رضوى واخذ معه مسلم وكان الوقت ربيع والجبل فوق سهل وله هويه كبيره اللي يطلع له
يمد نظره على مسافه بعيده ويوم طلعو فوق قام سويلم وشب النار
وسوا القهوه وللآن مسلم ما يتكلم وقال سويلم لمسلم انا ابروح اتقنص وانت خلك هنيا يبي عشان يبعد عنه ويسمعه
يمكن يقول شي وراح عنه
قام مسلم من مكانه وجا على راااس الهويه وجلس يخايل بعيونه فوق وتحت ومد نظره جهة ديار ظبيه وكأنها
يشوف الطلحه اللي كانو ينامون عندها ويتخيل ظبيه وايامها معه
وتكلم بس تكلم بقصيده والقصيده على طرق الهلاليين وطرق الهلالليين معروف و تقول القصيده :
يقول الوليعي والوليعي مسلّم=من دامت ايام الصبا له دام
.
لو إن عجات الصبا يجبرنه=كما يجبر الجابر كسير عظام
.
ليالي الهوى مثل الربيع ليا زهى=وش حيلتي ما للربيع مقام
.
قاري قراني يوم قرصت بهامي=غروٍصغير ما عليه لثام
.
قراني وهو يسفح من الدمع ناظره=ليته قراني والعيون نيام
.
رقيت في رضوى ورضوى منيفه=وأخيل في عيني جنوب وشام
.
أخيل في عيني طلحة ناعمية=سلام يادار الحبيب سلام
.
يامرتع للنوق توي لقيته=في خشم و(علة) من يمين ردام
.
ياليتني يوم دنتني منيتي=بديار (ظبية) عن ديار تهام
.
أنا جيتكم من راس رضوى عشيّة=كما شن غربٍ باد منه وذام
وهذا البيت الاخير قاله يوم نوى يرمي روحه من الجبل << وزمان كانت الباديه تجهل ان الانتحار حرام وقله منهم من يعرف جميع امور دينه >>
احس اخوه انه يبي يرمي روحه من الجبل وركض عليه فعلا بس مالحق الا على عباته واخذها ونزل تحت لقى مسلم ميت وراسه ما بقى منه الا جدايله وحزن عليه حزن شديد واخذ جدايله وحطها على
بدرره او شنه وركب الجمل اللي جا فيه مسلم من الديره اللي هو كان فيها وقال لازم اروح للمره اللي تسببت عليه واشوفها
وفعلا راح يم ديرتهم وهو يعرفهم وسوا نفسه يدور له جمل وينشدالناس جت ظبيه من بين الناس له مسرعه قالت له اسألك بالله راع القرون هذي حي والا ميت
قالها راعي الجدايل هذي جا مريض وما يتكلم وطلعناه راس رضوى وقال لها القصيده فما كان منها الا انها شهقت وماتت
رجع سويلم اخو مسلم لديرته وكان متأثر بقصة الهوى هذي فتهيض ببيتين يقول فيها :
والـلـه ما لـوم الوليعـي ولـو طـااح = مـن راس رضوى والعوض به عباته
علماً أن القصة والقصيدة ذكرت في كتاب : (( الأدب الحجازي )) للكاتب / منديل الفهيد .. أو حمد الجاسر
((إدارة المنتدى ))
1- الالتزام بآداب الحديث والحوار وعدم التعرض للدين الإسلامي بالإساءة أو إلى أيّ من الأديان السماوية الأخرى.
2-عدم التعرض لأي شخص أو كتابة ما يتعارض مع القوانين المتعارف عليها رسمياً,أوالمساس بولاة الأمر .
3- لتقديم شكوى يجب مراسلة إدارة المنتدى أو عن طريق كتابة موضوع في قسم الشكاوي والاقتراحات.
4- يمنع منعاً باتاً التدخل في شؤون إدارة المنتدى ،وإن مشرفين المنتدى والإداريين لديهم حق حذف، أو مسح ، أو تعديل ، أو إغلاق أي موضوع لأي سبب يرونهوليسوا ملزمين بإعلانه.
5- في حالة رغبتك في وضع صورة في خانة التوقيع الخاصة بك فيجب التقيد باستخدام صورة واحدة فقط .
6-عدم وضع صور غير لائقة في التواقيع أو الصور الرمزية أو الشخصية وخصوصاً الصور النسائية ,وسيتم حذف الصور المخالفة.
7- إن مشرفي وإداريي منتديات شبكة جهينة بالرغم من محاولتهم منع جميع المشاركات المخالفة ، فإنه ليس بوسعهم استعراض جميع المشاركات. وجميع المواضيع تعبر عن وجهة نظر كاتبها .
ولا يتحمل أي من إدارة منتديات شبكة جهينة أي مسؤولية عن مضامين المشاركات.
((أشكرك لأنك قرأت الشروط ... وكذلك لأنك تعي ما تقرأ ))
أخوي سواح السلام عليكم ورحمة الله وبركاته
الله يعطيك العافيه على هذه القصة والقصيدة معاً
من فتره ادور عليها لاعدمناك دوم سباق للجديد
والمفيد لك مني خالص الشكر والتقدير
للتصحيح بعض جهينة ينسب القصة لرجل من المشاعلة من جهينة وهذا خطأ القصة جرت على شاب اسمة مسلم من ذبيان من جهينة والدليل على ذالك معرفة كبار السن من ذبيان وعنزة بالقصة ونسبتها الى الشاب الذبياني وكما هو معروف ان ذبيان تنزل بديار عنزة وبينهم حلف مع عدد من قبائل عنزة 0
وفقني الله وقريت القصه مع انه ما كان لي نيه اقراها وذلك لعادة سيئة فيني اذا شفت الموضوع اكثر من خمس سطور مااقراه ههههههههههه بس لو ماقريت القصة هذي صراحه فاتني الشي الكثير
سوااااااااااااح تسلم يمينك والله قصة مؤثررره بالمره ان دلت على شي تدل على صدق الناس اول وعلى مدى حبهم
يازين حياة الناس اول انتم تخيلتوا مثلي يومنهم يسرحون بالبل ؟؟
تخيلتوا وش لابسين ؟؟ انا اتخيل ان مسلم لابس ثوب مرودن وضبيه لابسه برقع وعيونها تذبح هههههههههههههههه
القصه جميله ولكن بالرجوع الى الكتب والي كبار السن يثبتون ان الرجل من المشاعلة من جهينة ولم يذكر شخص واحد أنه من غير المشاعلة
آمل منك تصحيح المعلومة وتقبل كل أحترامي وكل عام وأنت واعضاء منتديات جهينة نت بألف خير والله اعلم
قصة الوليعي شهيد الحب العذري .....
قصة الوليعي شهيد الحب العذري ..... 
النمط الخطي
