قصة في قصيدة






بنت كانت تطالع واحد بعين قويه

لكن الرجال طلع شاعر وقال فيها كم بيت عشان تتأدب

لكن .. في التأني السلامة وفي العجلة الندامة



تابعوا القصيدة وتعرفون القصة

.

.





كل شبـر بهالوسعيـه ملـك ربـي تعلميـن



وأعلم إن اللي خلقني هو خلق لـك هالعيـون



لكن أنتي من جلستي وأنتـي فينـي تحدقيـن



كن ما به ناس غيـري بهالكراسـي يجلسـون



لو سمحتي عاد أسمعي وحتى لو ماتسمحيـن



المهـم اللـي بقولـه تسمعينـه ويسمـعـون



ع الأقل ليا نظرتك سـوي روحـك تستحيـن



غضي طرفك مثل غيرك خوف ربعي يلمحون



الركادة عاد زينة والحياء فـي البنـت زيـن



وفيـك جـآزم لاركـادة ولاحيـاءٍ يذكـرون



تعرفيني .. أعرفـك .. ماأذكـر إنـا ملتقيـن



لا أعرفك من تكوني ولا تعرفي مـن أكـون



وإطمأني إن كان قصدك بـس فينـي تشبهيـن



ما هو أنا إلـي تعرفيـه والبشـر يتشابهـون



ما دريتـي مـن التشابـه يخلـق الله أربعيـن



وأعرف أربع يشبهنـك بـس والله يستحـون



وإن كان قصدك شي ثاني عاد قولي وش تبين



خايف إنا نصير فرجة واللي ماشتروا يتفرجون



وإذا ببالـك عاجبتنـي لا يحوشـك تحلميـن



صح ربعي من جمالك فيـك صـار يمدحـون



بس وش لي في حلاتك دام فيهـا ترخصيـن



حشمـة البنـت وحياهـا والكرامـة يلفتـون



ولو توفر فيـك هـذا مـع حلاتـك تبشريـن



ما هو أنا ألف غيـري بـاب بيتـك يطرقـون



وش علامك رغم كل اللـي أقولـه وتسكتيـن



مو طبيعي هالسكوت وهالبـرود وهالسكـون



أنتي خرسا أسألـك والا منتـي تسمعيـن ؟؟



قالوا ربعي ذي كفيفـة قلـت لا لا تمزحـون



لين شفتك يـوم رحتـي يمسكونـك باليديـن



ما دريت إلا عيونـي أربـع أربـع يذرفـون



آه ياني منـه مشهـد يـوم شفتـك ترحليـن



جيت أشوف عيون ربعي لقيت الكل يدمعـون



قلـت سنّـة هالحيـاة وحـن ترانـا مؤمنيـن



الله اللـي مسيّرنّـا بيـن كـاف وبيـن نـون



وكل أبونا نختلف مع إننـا مـن أصـل طيـن



سبحان يلي مصورنا ولله فـي خلقـه شـؤون



يعني حنا كـل أبونـا عـاد أسمنـا بنادميـن



وليا قضى ربك أمر وقـال لـه كـن فيكـون



فينـا يلـي رازقـه خـيـر رب العالمـيـن



وفينا يلي هو لعطفه بحاجـة القلـب الحنـون



وفينـا يلـي ماشكـى مـن علـةٍ كالآخريـن



صـمٌ وبكـمٌ وعـمـيٌ فـهـم لا يفقـهـون



بس قليـل عـاد فينـا للنعـم هـم شاكريـن



والله يرزق هالخلايق من حيث هم لايعلمـون



وتدري عاد يالكفيفـة حنـا تـراى متشابهيـن



وإن ماانعمت أبصارنا قلوبنا هم اللي يعتمـون



يالكفيفة يالعفيفـة إن قلـت آسـف تقبليـن ؟؟



يغفر الله ذنوب عبده ليا خطا وهل تغفـرون ؟؟