يالله على وارد سفاري ليا فز = مع كل دربا لا طرى له يقزه
له يستقيم الدرب بالعين لاخز = طبعه على قطع الفيافي يوزه
يصمد بوجه الريح مالان واهتز = وغيره اذا طارت حمامه تهزه
مافيه درب لا نوى عنه يعجز = أكبر طعوس الأرض بالهون جزه
صناعة اللي ما تشوفه لو اغمز = مكه وطيبه عن مثيله تنزه
صوته شبيه الريح لا دست إز إز = جرة مهند من صدر بعد غرزه
في منتصف شبكه علامة تميز = ختم الاصاله معطي الشكل رزه
بي أم واللكزس مع اللاند والبنز = تخضع له اجباري على غير عزه
ينظر لهم بالعين نظرت ولد عز = شاور لهم بسكات ماشي معزه
ما يشبه إلا حر قام وتحفز = اشقر على راس المنيفه ملزه
كنه يقول لصاحبه عشت ركز = لا يتعب الهم الفواد ويحزه
بمشيئة الرحمن تاصل معزز = قبل مغيب الشمس للي تعزه

شرف المصافحه الاولى لهذه الفاتنه

من شــــــــاعـــر عذب جـــــزل

ابوفراس

لله دركـ ولنا درركــ
صح لسانكـ وعلا شانكـ
صوته شبيه الريح لا دست إز إز
جرة مهند من صدر بعد غـرزه
تقبل صادق الووود