هذه قصيده حزينه
للشاعر العراقي قناص بغداد
وعندما قرأتها تفاعلت معها
وقلت عدة أبيات لعلها تنال إستحسانكم
إليك قصيدة الشاعر الذي حرمه المرض من حبيبته
عوضه الله خيرها منها
يا اللي أحبك حب مـا حبـه انسـان=
تدري قريب تحيـن لحظـة وفاتـي
حبيبتك فـي دمهـا قالـوا سرطـان=
ماعاد باقي أيـام كثـر اللـي فاتـي
هـذي النتيجـه ماتبـي أي برهـان=
هذا المرض مالـه أبـد أي شفاتـي
مابي زيـاره منـك لا كنـت تعبـان=
ما أبيك تبكـي شوفتـي يـا دواتـي
أشوف نفسـي بالمرايـا و حزنـان=
ياهو المرض والله مسـوّي سواتـي
حزن ِ وألم مابيـن هاذيـك الأعيـان=
كل من يجيني يقـول حانـت وفاتـي
شفت الزمن وشلـون سـوّا بانسـان=
شفت الزمن وشلون غيّـر صفاتـي
عرفت ليـه مـاودي تجينـي الآن ؟=
ماودي أكسر خاطـرك يـا غناتـي
مابيك تتألـم علـى غصـن ذبـلان=
هذا الزمن طيّـح جميـع إزهراتـي
مدري علامه قاسي ٍ حيـل غضبـان=
=
مدري أنـا وش اقترفـت بحياتـي ؟
تدري أنا حزنـي تعـدى هالأكـوان=
يمكن وفاتـي رحمـة ٍٍ مـن حياتـي
أرجوك يا حلم ٍ بكيتـه مـن أزمـان=
أبيك تسمع قبـل موتـي .. وصاتـي
أبي تقوّي قلبـك الحيـن يـا فـلان=
أبيك تحضر يوم دفنـي .. صلاتـي
أبيـك ترفعنـي لقـبـري بتحـنـان=
وتحب راسـي قبـل تدفـن رفاتـي
أبيك تحضنّي وأنـا وسـط الأكفـان=
ثمّـن تنزّلنـي لقبـري .. وأبـاتـي
يا اللي أحبك حيل يـا أعـز انسـان=
أبي لآخـر لحظـه أحـس بغلاتـي
ببكيك فـي قبـري ولانـي بنسيـان=
اللي عطاني فعـز بـردي .. دفاتـي
عن طيبتك بحكي لرملـي والأكفـان=
بخلـي اسمـك ينطقنّـه حصـاتـي
بذكرك لو جسمي مع الرمل .. جثمان=
ويا عل فـي الجنـه تكـون اللقاتـي
وفي زيارتك قبري أبي منك ألحـان=
كني معاك أعيش يـا أجمـل غناتـي
وجب لي معك فل ٍ و ورد ٍ وريحان=
لا لا تغـيـر عـادتـك ياحيـاتـي
وأبيك باكـر تنشـر لموتـي إعـلان=
تنعي وفـاة الذاهبـه فـي إورقاتـي
أبيك تدعي الله يجـي منـه غفـران=
أبيـك تدعـي لـي يعلّـي درجاتـي
هـذي حياتـي عشتهـا دوم تعبـان=
يامـن يعزينـي بـمـوت أمنيـاتـي
هـذي القصيـده خطّهـا دم انسـان=
هذي النهايه .. وذي قصيـدة وفاتـي
وإليكم ردي بهذه الأبيات عسى أن تنال على إستحسانكم
قناص وش وداك للحـب يافـلان=
مالك ومال بحـوره المضلماتـي
تعبت في ليلك وللصبـح سهـراان=
تنظر نجوم الليل وقـت المباتـي
أنا أشهد إن الحب يا خوي سلطان=
مير أطلب المعبود حسن الثباتـي
إلا طرى لك طارياً قـول غلطـان=
حبيبتـي تنعـم مـع المترفـاتـي
في جنـةً مدخالهـا ثمـان بيبـان=
تنعـم ومعهـا جملـة المومناتـي
وانته بعدها أنسى ولا تعيش حيران=
أنسى وسلي خاطـرك بالصلاتـي
أفرح وخل العمر ياهيـه طربـان=
أفرح وعيـش أيامـك المقبلاتـي
ياهيه ياقناص كـان الهـوى كـان=
وكنا مع الماضي حنيـن ومهاتـي
سمعت قول فلان وسمعت لفـلان=
وسجلت كل اللي كتـب بالدواتـي
حظرت زفافه وهو حيل زعـلان=
يقـول لا لا تحظريـن لوفـاتـي
قلت أصبر وخلك ثقيـلاً ومليـاان=
عقلاًوحكمه مع حسيـن الصفاتـي
أما صبرت ونلت لا تصير عجلاان=
وآلا خسرت اللي بقى من حياتـي
القلب في قربه محبـاًا وطربـان=
حبه تمكن فـي عروقـي وذاتـي
مرت بي الذكرى وقلبي لهـا لان=
مشيت معها ليـن تهـت بحياتـي
المسعد اللي سا كناً وسـط لبنـان=
عند الخوال وقبل وقـت المماتـي
اللي حدوني عنه ذربيـن الإيمـان=
الثوب ما هـو ثوبنـا يـا غناتـي
مرت بي الذكرى سريعه بتحنـان=
وشميت ريحه بأوسـط الذكريـات
نشرت بتاريخ 22-12-2005
رد على قصيدة الشاعر العراقي قناص بغداد
رد على قصيدة الشاعر العراقي قناص بغداد 
النمط الخطي
