مجــاراهـ للشاعر ناصر السناني

لو كان قلبي مخير كيف ما ودي= ماكان دربا تعاندني ابمشيها
اعيش في دنيتي وامشي على قدي=ولا كل حاجة على بالي اسويها
كم حاجة جت في بالي ماهي ابيدي= وكم حاجة جت بيدي بس مابيها
ايام وقت الفرح عديتها عدي= وايام وقت الشقاء لايمكن احصيها
ياللي على البال حبك هدني هدي = لجلك ترى رحلة الاشواق ساريها
ابحرت في مركب العشاق متحدي = كل المخاطر علي الشوق حاديها
وامواجه اللي تحول جزرها مدي = احاول اني اسايرها واعديها
ماهو بكيفي بدافع شوقي وودي= وامواج بحر الهوي ياقل ناجيها
ماهمني لجل شوفك من وقف ضدي = مادام غيبتك عن عيني تشقيها
همسات الاشواق لجلك بيحت سدي = وصورتك في وسط عيني قمت اناجيها
اخفي واجامل وياما شفت واعدي= وجروح قلبي ولاغيرك يداويها
كيف اتصبر وصبري قال ذا حدي = ماوالله اقدر اصبـــــــــــر قلب باغيها

وسلامتكم
ابو وسام