يا قلب لا تحزن

واهني منهو جاهـلٍ طبـع الأيـام
يجهل عناهـا جاهـلٍ فـي غثاهـا

ما حار فكره في زمانـه ولا حـام
داخـل فـؤاده علـةٍ كـم خفاهـا

يا قلب لا تحزن على مر الأعـوام
ولا يتعبك ماضي السنيـن وعناهـا

أنسى المصاعب وأجعل الفكر قدام
بد الليالـي تسعـدك فـي ضياهـا

خل الدمـوع وخـل تفتيـش الآلام
يمكـن مـع الأيـام تلقـى دواهـا

ولا لا يصيبك من عناء وقتك أحطام
أرض بنصيبـك والحيـاة وقساهـا

ما أنت الوحيد اللي شكا ويل وأسقام
دنيا على غيـرك تطاحـن رحاهـا

ياكم منهـا حـالٍ اليـوم منضـام
وياكـم مـن عيـنٍ تزايـد بكاهـا

وياكم فيهـا مـن مساكيـن وأيتـام
ذاقو عناها ما اهتنو فـي حلاهـا!

وياكم فيها ضاعت أحـلام وأحـلام
مسكين ياللي عايـشٍ فـي رجاهـا

وياقلب لا تحزن على مر الأعـوام
ولا يتعبك ماضي السنيـن وعناهـا