مسرحية شكسبير !

الاعزاء اعضاء منتديات جهينه اليكم هذه القصيدة بعنوان

رف بجناحك بالسماء فوق ياطير=ياسباب جرحي يادواي وعذابي
مادمت غير وباقي الناس لي غير=وانت الذي في يدك مفتاح بابي
سخرني الله لك من الناس تسخير=وانت الذي شديت لاجلك ركابي
اتبعك لو دونك رمال المعاصير=ضامي مطرك وجود لي ياسحابي
دربك قريب لو تطول المشاوير=ياشمس يشرق نورها في هضابي
من دونك العالم في نظر عيني صغير =ودنيا بدونك في عيوني خرابي
انا بخير ان شفتك تعيش في خير=ولاغبت صد الخير عني وغابي
وسبحان ربي غير الحال تغيير=قلبي مريض وقدر الله وطابي
يوم انكشفت وبان حبك بتزوير=كنك جبل من فوقه الثلج ذابي
رجعت حلومي ذابلات مصادير=ذبلن وتاهن في زهور الشبابي
لاتعتذر لي ماتفيد المعاذير=خلك سوال ولانبيله جوابي
يامسرحيه لو كتبها شكسبير= عنوانها ضميان يطرد سرابي

وسلامتكم
عبدالرحمن السناني