جااااااك المووووووووووج ياعابر

يامرحبا ياهلا لعل عيدك سعيد=وبعض السوالف تريح مالك ومالها
انكان عندك رساله هاتها بالقصيد=والطارفه من حلال القوم نشتالها

يابلشت الي دخل بالسوق ماله رصيد=الناس ياصاحبي تفديك باموالها
الله يبارك برجل(ن)يستفيد ويفيد=رجل(ن)على الطيبه يتعب ويسعالها

في وسط سوق المعاني بالحبال الجويد=لكن شفتك بحاله صدق يرثالها
وشفيك ياصاحبي ماجبت علم(ن)جديد=تعبت وانا انتظر بالوقت مرسالها

ياعابرالله يدبرمايشاه ويريد=ياكيف فصلتها واعجبك تفصالها
السالفه ياجودي بالبندق الي تصيد=طالبك ياصاحبي لاتدور بدالها

من هرجتك ياولد علم من المستفيد=يومن بعض العرب ميسوره احوالها
ياليت راشد يطاوع بالمواقف رشيد=بالعقده الي يجيك اليوم حلالها

لو كان باسك قوي لو كان رايك سديد=اكيد لا جاتك النكبه تهيالها
اليابدى سهيل والفلاح قص الجريد=اتقوم تذكر مراتعها ومجفالها

ياكيف افهم لطالب بالمعاني بليد=والخيل تعرف وتعرف جاك خيالها
لك الله اني مع الايام باسي شديد=في صيف والاشتايازين مقيالها